Read KIMERU BIBLE PROTESTANT EDITION 2Ma 27 Bible Online

2Ma 27 - KIMERU BIBLE PROTESTANT EDITION bible

2Ma 27

¹Jothamu aambîrîîrie kwaathana arî na ûkûrû bwa mîaka mîrongo îîrî na îtaano. Aathanîre mîaka îkûmi na îtaantatû arî Jerusalemu. Ng'ina eetagwa Jerushaha, na aarî mwarî wa Zadoki.

²Nî aathithagia wendi bwa MWATHANI o ta ûrîa îthe Uzia, aathithagia, îndî we ataathithia meeyia ja gûkûrûka kîûrûûne. Îndî kîrîndî nî gîeetîre na mbere kûmaramara.

³Jothamu nî aakîre mpingîro ya rûteere rwa ûrîo ya kîûrû kîa MWATHANI, na aroongeera rûthingo rwa Jerusalemu ndeeria gweetagwa Ofeli.

⁴Ningî nî aakîre ntûûra irîa ciaarî irîmeene bia Juda, na araaka nyomba cia gwitiira na mînaara nîûntû bwa ndwaa mwitûûne.

⁵Jothamu nî aarwîre na mûnene wa Aamoni na aramûûmba. Nawe arabaritithia ûgoti kilo ngiri ithatû cia magana jana (3,400) cia fetha, na tani ngiri îmwe (1,000) cia nkano, na tani ngiri îmwe (1,000) cia mûnyaki. Nabo Aamoni nî beetîre na mbere kûrita ûgoti o ta bûu mîaka îngî îîrî.

⁶Tontû bûû, Jothamu nî airikîîrie buru nîûntû bwa kwaathîkîra MWATHANI, Mûrungu waawe.

⁷Mantû jangî ja waathani bwa Jothamu, amwe na ndwaa irîa aarwîre, na mantû jangî jarîa aathithîrie nî jaandîki yukuune rîa Anene ba Israeli na Juda.

⁸Jothamu aambîrîîrie kwaathana arî na ûkûrû bwa mîaka mîrongo îîrî na îtaano, na aathanîre antû a mîaka îkûmî na îtantatû arî Jerusalemu.

⁹Nawe arakua na arathikwa ntûûra ya Daudi. Mûtaana waawe Ahazi araa mûnene.