Read KIMERU BIBLE PROTESTANT EDITION Ezra 2 Bible Online

Ezra 2 - KIMERU BIBLE PROTESTANT EDITION bible

Ezra 2

¹Nandî baba nîbo antû barîa baacokere kuuma ûkomboone, gatîgatîîne ka atae barîa Nebukadineza mûnene wa nthîgûrû ya Babiloni aataîte aabathamîria Babiloni. Nabo nî baacokere Jerusalemu na Juda, o muntû ntûûreene yaawe.

²Nabo beetanîrie na Zerubabeli, na Jeshua, na Nehemia na Seraia, na Reelaia, na Modekai, na Bilishani, na Misipari, na Bigivai, na Rehumu, na Baanaha. Baba nîbo antû ba Israeli barîa baacokere:

³Nchiarwa cia Paroshi ciaarî antû ngiri ijîîrî cia îgana rîmwe rîa mîrongo mûgwanja na baîrî (2,172).

⁴Nchiarwa cia Shefatia ciaarî antû magana jathatû na mîrongo mûgwanja na baîrî (372).

⁵Nchiarwa cia Ara ciaarî antû magana mûgwanja ja mîrongo mûgwanja na bataano (775).

⁶Nchiarwa cia Pahathi-moabu, (kuumania na Jeshua na Joabu), ciaarî antû ngiri ijîîrî cia magana janaana na îkûmi na baîrî (2,812).

⁷Nchiarwa cia Elamu ciaarî antû ngiri îmwe ya magana jaîrî ja mîrongo îtaano na bana (1,254).

⁸Nchiarwa cia Zatu ciaarî antû magana kenda ja mîrongo îna na bataano (945).

⁹Nchiarwa cia Zakai ciaarî antû magana mûgwanja na mîrongo îtantatû (760).

¹⁰Nchiarwa cia Bani ciaarî antû magana jatantatû ja mîrongo îna na baîrî (642).

¹¹Nchiarwa cia Bebai ciaarî antû magana jatantatû ja mîrongo îîrî na bathatû (623).

¹²Nchiarwa cia Azigadi ciaarî antû ngiri îmwe ya magana jaîrî ja mîrongo îîrî na baîrî (1,222).

¹³Nchiarwa cia Adonikamu ciaarî antû magana jatantatû ja mîrongo îtantatû na batantatû (666).

¹⁴Nchiarwa cia Bigivai ciaarî antû ngiri ijîîrî na mîrongo îtaano na batantatû (2,056).

¹⁵Nchiarwa cia Adini ciaarî antû magana jana ja mîrongo îtaano na bana (454).

¹⁶Nchiarwa cia Ateri, (kuumania na Hezekia) ciaarî antû mîrongo kenda na banaana (98).

¹⁷Nchiarwa cia Bezai ciaarî antû magana jathatû ja mîrongo îîrî na bathatû (323).

¹⁸Nchiarwa cia Jora ciaarî antû îgana rîmwe rîa îkûmi na baîrî (112).

¹⁹Nchiarwa cia Hashumu ciaarî antû magana jaîrî ja mîrongo îîrî na bathatû (223).

²⁰Nchiarwa cia Gibari ciaarî antû mîrongo kenda na bataano (95).

²¹Antû barîa baacokere Bethlehemu baarî îgana rîmwe rîa mîrongo îîrî na bathatû (123).

²²Barîa baacokere Netofa baarî antû mîrongo îtaano na bataantatû (56).

²³Barîa baacokere Anathothi baarî antû îgana rîmwe rîa mîrongo îîrî na banaana (128).

²⁴Barîa baacokere Azimavethi baarî antû mîrongo îna na baîrî (42).

²⁵Barîa baacokere Kiriathiarimu, na Kefira, na Beerothi baarî antû magana mûgwanja ja mîrongo îna na bathatû (743).

²⁶Barîa baacokere Rama na Geba baarî antû magana jatantatû ja mîrongo îîrî na ûmwe (621).

²⁷Barîa baacokere Mikimasi baarî antû îgana rîmwe rîa mîrongo îîrî na baîrî (122).

²⁸Barîa baacokere Betheli na Ai baarî antû magana jaîrî ja mîrongo îîrî na bathatû (223).

²⁹Barîa baacokere Nebo baarî antû mîrongo îtaano na baîrî (52).

³⁰Barîa baacokere Magibishi baarî antû îgana rîmwe rîa mîrongo îtaano na batantatû (156).

³¹Barîa baacokere ntûûra îngî ya Elamu baarî antû ngiri îmwe ya magana jaîrî ja mîrongo îtaano na bana (1,254).

³²Barîa baacokere Harimu baarî antû magana jathatû na mîrongo îîrî (320).

³³Barîa baacokere Lodi, na Hadidi, na Ono baarî antû magana mûgwanja ja mîrongo îîrî na bataano (725).

³⁴Barîa baacokere Jeriko baarî antû magana jathatû ja mîrongo îna na bataano (345).

³⁵Barîa baacokere Senaa baarî antû ngiri ithatû cia magana jatantatû ja mîrongo îthatû (3,630).

³⁶Baba nîbo athînjîri-Mûrungu barîa baacokere: Ataana ba Jedaia ba mwîrîga jwa Jeshua, baarî magana kenda ja mîrongo mûgwanja na bathatû (973).

³⁷Ataana ba Imeri baarî ngiri îmwe ya mîrongo îtaano na baîrî (1,052).

³⁸Ataana ba Pashuri baarî ngiri îmwe ya magana jaîrî ja mîrongo îna na mûgwanja (1,247).

³⁹Ataana ba Harimu baarî ngiri îmwe ya îkûmi na mûgwanja (1,017).

⁴⁰Ningî baba nîbo Alawi barîa baacokere: Ataana ba Jeshua na ba Kadimieli ba rûrîîjo rwa Hodavia, baarî mîrongo mûgwanja na bana (74).

⁴¹Aini barîa baacokere tabo nchiarwa cia Asafu baarî antû îgana rîmwe rîa mîrongo îîrî na banaana (128).

⁴²Akaria ba mpingîro barîa baacokere baarî nchiarwa cia Shalumu, na cia Ateri, na cia Talimoni, na cia Akubu, na cia Hatita na cia Shobai. Bau bonthe baarî antû îgana rîmwe rîa mîrongo îthatû na kenda (139).

⁴³Ariti ngûgî ba kîûrû kîa Mûrungu barîa baacokere baarî nchiarwa cia Ziha, na cia Hasufa, na cia Tabaothi

⁴⁴na cia Kerosi na cia Siaha, na cia Padoni,

⁴⁵na cia Lebanaha, na cia Hagaba, na cia Akubu,

⁴⁶na cia Hagabu, na cia Shamulai na cia Hanani,

⁴⁷na cia Gideli, na cia Gahari, na cia Reaia,

⁴⁸na cia Rezini na cia Nekoda na cia Gazamu,

⁴⁹na cia Uza, na cia Pasea, na cia Besai,

⁵⁰Ataana ba Asina, na cia Meunimu, na cia Nefisimu,

⁵¹na cia Bakibuki na cia Hakufa na Harihuri,

⁵²na cia Baziluthi, na cia Mehida na cia Harisha,

⁵³na cia Barikosi na cia Sisera na cia Temaha,

⁵⁴na cia Nezia na cia Hatifa.

⁵⁵Nchiarwa cia nthûûmba cia Solomoni irîa ciacokere ciaarî: Nchiarwa cia Sotai na cia Hasoferethi na cia Peruda,

⁵⁶na cia Jaalaha, na cia Darikoni na cia Gideli,

⁵⁷na cia Shefatia, na cia Hatili, na cia Pokerethi-hazebaimu na cia Ami.

⁵⁸Ariti ngûgî ba kîûrû kîa Mûrungu bonthe, na nchiarwa cia nthûûmba cia Solomoni ciaarî antû magana jathatû ja mîrongo kenda na baîrî (392).

⁵⁹Baba nîbo baumîte Teli-mela, na Teli-harisha, na Kerubi, na Adani, na Imeri, kinya këethîra mîîrîga yaao na ndîîjo ciaao itoombîre kûmenyeka këethîra ciaarî cia Israeli:

⁶⁰nchiarwa cia Delaia, na nchiarwa cia Tobia, na nchiarwa cia Nekoda, cionthe ciaarî antû magana jatantatû ja mîrongo îtaano na baîrî (652).

⁶¹Ningî kîrî nchiarwa cia athînjîri-Mûrungu nî kwaarî na nchiarwa cia Habaia, na cia Hakozi, na cia Barizilai (ûrîa wajûkîtie mûka kuuma kîrî aarî ba Barizilai Mûgileadi, na arajûkia riîtwa rîa mwîrîga jwaao).

⁶²Bau nî bacwîre mariîtwa ja ndîîjo ciaao maukuune ja ntari ya mîîrîga îndî jatoonora ku. Tontû bûû, bararegeerwa gûtuîka athînjîri-Mûrungu.

⁶³ Mûrûngamîîri arabakaania batîkaarîe into birîa bitheru birîa biaritîri Mûrungu mwanka rîrîa gûkoonora mûthînjîri-Mûrungu ûkûûmba kûringia na Urimu na Thumimu.[1]

⁶⁴Antû barîa bonthe baacokere baarî ngiri mîrongo îna na ijîîrî, cia magana jathatû ja mîrongo îtantantû (42,360).

⁶⁵Gûtîgûtarwa nthûûmba ciaao cia arûme na aka, irîa ciaarî ngiri mûgwanja cia magana jathatû ja mîrongo îthatû na mûgwanja (7,337). Ningî nî baarî na aini ba arûme na aka, bonthe antû magana jaîrî (200).

⁶⁶Mbarathi ciaao ciaarî magana mûgwanja ja mîrongo îthatû na ithanthatû (736). Nyûmbû ciaao ciaarî magana jaîrî ja mîrongo îna na ithaano (245).

⁶⁷Nkamîîra ciaao ciaarî magana jana ja mîrongo îthatû na ithaano (435). Ntigiri ciaao ciaarî ngiri ithanthatû cia magana mûgwanja ja mîrongo îîrî (6,720).

⁶⁸Rîrîa baakinyîre Nyomba ya MWATHANI îrîa yaarî Jerusalemu, atongeeria bamwe ba mîîrîga nî baaritîre biewa bia gûciendera bo bongwa nîûntû bwa gwaka kîûrû kîa Mûrungu kenda gîakwa arîa kîaarî mbere.

⁶⁹Nabo baaritaga into o ûrîa muntû oombaga. Nabio birîa baaritîre biaarî kilo magana jataano ja (500) thaabu na kilo ngiri ijîîrî cia magana janaana (2,800) cia fetha, na nguû îgana rîmwe (100) cia athînjîri-Mûrungu. Into biu bionthe barabinenkanîra kîgîîneene kîa waaki bwa nyomba ya Mûrungu.

⁷⁰ Athînjîri-Mûrungu Alawi na antû bamwe baatûûrîre Jerusalemu na gûntû kûrîa kûrî akuî nayo nabo aini ba ndwîmbo, na akaria ba mpingîro, na ariti ngûgî ba nyomba ya Mûrungu, na Aisraeli bangî bonthe baatûûrîre ntûûreene ciaao.