Read KIMERU BIBLE PROTESTANT EDITION Neh 7 Bible Online

Neh 7 - KIMERU BIBLE PROTESTANT EDITION bible

Neh 7

¹Naru rûthingo nî rwaathirîrie gwakwa na mîari ya mpingîro îreekîrwa. Rîu, akaria ba kîûrû, na aini kîûrûûne, Alawi barathuurwa.

²Naani ndaathuurîre mûtaana wa chiaa Hanani na Hanania ûrîa waarî mûrûngamîîri wa akaria barîa bakaragia gitiiro nîkenda baathaga ntûûra ya Jerusalemu. Hanania aarî mwîtîkua na muntû waakîrîte Mûrungu. Gûtaarî na muntû ûngî tawe.

³Ningî ndîrabeera atîrî, “Mpingîro itîbuîrîte kûrugûragwa mbere ya riûa rîtîrauma, na atî ibuîrîte kwiingagwa nî akaria mbere ya riûa rîthoa. Thuurageeni antû ba gûkaria ntûûra kuuma kîrî barîa barî Jerusalemu. Ningî bwîrage bangî bakaragie rûthingo rûrîa rûrî akuî na nyomba ciaao.”

⁴Ntuûra ya Jerusalemu yaarî înene. Îndî antû barîa baatûûraga ku baarî babakai. Nyomba inyiingî itaarî igwakwa.

⁵Mûrungu nî aatûmîre ndîroothûrania antû amwe na atongeeria baao, na atongeeria ba njûûrî. Ndîrauga o muntû aandîkwe kûrîngana na rûrîîjo rwaawe. Îndî ndîroona yuku rîrîa rîaandîki mariîtwa ja antû barîa baarî bakuuma kîthamîrioone; o muntû na rûrîîjo rwaawe. Mantû jarîa jaarî ku nî jaja;

⁶Antû babaingî nî baarî bakuuma kîthamîrioone nthîgûrûûne ya Babiloni baracoka Juda na Jerusalemu; o muntû areeta ntûûreene yaao. Antû bau baatwîre kîthamîrioone kuuma rîrîa Nebukadineza aabaikîrie Babiloni.

⁷Antû baba nîbo baarî atongeeria ba barîa baaumîte kîthamîrioone: Zerubabeli, na Jeshua, na Nehemia, na Azaria, na Raamia, na Nahamani, na Modekai, na Bilishani, na Misiperethi, na Bigivai, na Nehumu, na Baanaha. Jaja nî mariîtwa ja mîciî ya antû barîa baacokere kuuma kîthamîrioone:

⁸Mûciî jwa Paroshi jwaacokere antû ngiri ijîîrî cia îgana rîa mîrongo mûgwanja na baîrî (2,172).

⁹Mûciî jwa Shefatia jwaacokere antû magana jathatû ja mîrongo mûgwanja na baîrî (372).

¹⁰Mûciî jwa Ara jwaacokere antû magana jatantatû na mîrongo îtaano na baîrî (652).

¹¹Mûciî jwa Pahathi-moabu, tabo nchiarwa cia Jeshua na cia Joabu, baacokere antû ngiri ijîîrî cia magana janaana ja îkûmi na banaana (2,818).

¹²Mûciî jwa Elamu jwaacokere antû ngiri îmwe ya magana jaîrî ja mîrongo îtaano na bana (1,254).

¹³Mûciî jwa Zatu jwaacokere antû magana janaana ja mîrongo îna na bataano (845).

¹⁴Mûciî jwa Zakai jwaacokere antû magana mûgwanja na mîrongo îtaantatû (760).

¹⁵Mûciî jwa Binui jwaacokere antû magana jatantatû ja mîrongo îna na banaana (648).

¹⁶Mûciî jwa Bebai jwaacokere antû magana jatantatû ja mîrongo îîrî na banaana (628).

¹⁷Mûciî jwa Azigadi jwaacokere antû ngiri ijîîrî cia magana jathatû na mîrongo îîrî na baîrî (2,322).

¹⁸Mûciî jwa Adonikamu jwaacokere antû magana jatantatû ja mîrongo îtaantatû na mûgwanja (667).

¹⁹Mûciî jwa Bigibai jwaacokere antû ngiri ijîîrî cia mîrongo îtaantatû na mûgwanja (2,067).

²⁰Mûciî jwa Adini jwaacokere antû magana jatantatû ja mîrongo îtaano na bataano (655).

²¹Antû ba mûciî jwa Ateri, tabo nchiarwa cia Hezekia, baacokere antû mîrongo kenda na banaana (98).

²²Mûciî jwa Hashumu jwaacokere antû magana jathatû ja mîrongo îîrî na banaana (328).

²³Mûciî jwa Bezai jwaacokere antû magana jathatû ja mîrongo îîrî na bana (324).

²⁴Mûciî jwa Harifu jwaacokere antû îgana rîmwe rîa îkûmi na baîrî (112).

²⁵Mûciî jwa Gibeoni jwaacokere antû mîrongo kenda na bataano (95).

²⁶Nchiarwa cia antû barîa baatwîre ntûûreene ya Bethlehemu na ya Netofa baacokere antû îgana rîa mîrongo înaana na banaana (188).

²⁷Nchiarwa cia antû barîa baatwîre ntûûreene ya Anathothi baacokere antû îgana rîa mîrongo îîrî na banaana (128).

²⁸Nchiarwa cia antû barîa baatwîre ntûûreene ya Bethiazimavethi baacokere antû mîrongo îna na baîrî (42).

²⁹Nchiarwa cia antû barîa baatwîre ntûûreene ya Kiriathi-jearimu, na ya Kefira, na ya Beerothi baacokere antû magana mûgwanja ja mîrongo îna na bathatû (743).

³⁰Nchiarwa cia antû barîa baatwîre ntûûreene ya Rama, na ya Geba baacokere antû magana jatantatû ja mîrongo îîrî na ûmwe (621).

³¹Nchiarwa cia antû barîa baatwîre ntûûreene ya Mikimasi baacokere antû îgana rîa mîrongo îîrî na baîrî (122).

³²Nchiarwa cia antû barîa baatwîre ntûûreene ya Betheli na ya Ai baacokere antû îgana rîa mîrongo îîrî na bathatû (123).

³³Nchiarwa cia antû barîa baatwîre ntûûreene ya Nebo îrîa îngî baacokere antû mîrongo îtaano na baîrî (52).

³⁴Nchiarwa cia antû barîa baatwîre ntûûreene ya Elamu îrîa îngî baacokere antû ngiri îmwe na magana jaîrî ja mîrongo îtaano na bana (1,254).

³⁵Nchiarwa cia antû barîa baatwîre ntûûreene ya Harimu baacokere antû magana jathatû ja mîrongo îîrî (320).

³⁶Nchiarwa cia antû barîa baatwîre ntûûreene ya Jeriko baacokere antû magana jathatû ja mîrongo îna na bataano (345).

³⁷Nchiarwa cia antû barîa baatwîre ntûûreene ya Lodi na ya Hadidi, na ya Ono baacokere antû magana mûgwanja ja mîrongo îîrî na ûmwe (721).

³⁸Nchiarwa cia antû barîa baatwîre ntûûreene ya Senaa baacokere antû ngiri ithatû cia magana kenda na mîrongo îthatû (3,930).

³⁹Îîjî nîyo mîciî ya athînjîri-Mûrungu barîa baacokere kuuma kîthamîrioone: antû ba mûciî jwa Jedaia tabo nchiarwa cia Jeshua baacokere antû magana kenda ja mîrongo mûgwanja na bathatû (973).

⁴⁰Mûciî jwa Imeri jwaacokere antû ngiri îmwe ya mîrongo îtaano na baîrî (1,052).

⁴¹Mûciî jwa Pashuri jwaacokere antû ngiri îmwe ya magana jaîrî ja mîrongo îna na mûgwanja (1,247).

⁴²Mûciî jwa Harimu jwaacokere antû ngiri îmwe ya îkûmi na mûgwanja (1,017).

⁴³Îîjî nîyo mîciî ya Alawi barîa baacokere kuuma kîthamîrioone: antû ba mûciî jwa Jeshua na jwa Kadimieli tabo nchiarwa cia Hodeba baacokere antû mîrongo mûgwanja na bana (74).

⁴⁴Aini barîa baacokere baarî nchiarwa cia Asafu baacokere antû îgana rîa mîrongo îna na banaana (148).

⁴⁵Nchiarwa cia barîa baakaragia kîûrû; tabo nchiarwa cia Shalumu, na cia Ateri na cia Talimoni, na cia Akubu, na cia Hatita na cia Shobai, baacokere îgana rîa mîrongo îthatû na banaana (138).

⁴⁶Nchiarwa cia mîciî ya antû barîa baaritaga ngûgî kîûrûûne tabo nchiarwa cia Ziha, na cia Hasufa, na cia Tabaothi,

⁴⁷na cia Kerosi, na cia Sia, na cia Padoni, na

⁴⁸cia Lebana, na cia Hagaba, na cia Shalamai,

⁴⁹na cia Hanani, na cia Gideli, na cia Gaari

⁵⁰na cia Reaia, na cia Rezini, na cia Nekoda,

⁵¹na cia Gazamu, na cia Uza, na cia Pasea,

⁵²na cia Besai, na cia Meunimu, na cia Nefushesimu,

⁵³na cia Bakibuki, na cia Hakufa, na cia Harihuri

⁵⁴na cia Bazilithi, na cia Mehida, na cia Harisha,

⁵⁵na cia Barikosi, na cia Sisera, na cia Temaha,

⁵⁶na cia Nezia, na cia Hatifa.

⁵⁷Mîciî ya nthûûmba cia Solomoni îrîa yaacokere kuuma kîthamîrioone yaarî: mûciî jwa Sotai, na jwa Soferethi, na jwa Perida,

⁵⁸na jwa Jaala, na jwa Darikoni, na jwa Gideli,

⁵⁹na jwa Shefatia, na jwa Hatili, na jwa Pokerethi-hazebaimu, na jwa Amoni.

⁶⁰Nchiarwa cia mîciî ya antû barîa baaritaga ngûgî kîûrûûne amwe na nchiarwa cia antû barîa baatumîkagîra mûnene Solomoni bonthe baarî magana jathatû ja mîrongo kenda na baîrî (392).

⁶¹Antû barîa baatûûraga Babiloni ntûûreene ya Teli-mela na ya Teli-harisha, na ya Kerubi, na ya Adoni, o na ya Imeri, batoombîre kûmenyithania këthîra nî baarî Aisraeli nîûntû bataamenyaga biûjûjû biaao.

⁶²Nchiarwa cia mûciî jwa Delaia, na jwa Tobia, na jwa Nekoda baacokere antû magana jatantatû ja mîrongo îna na baîrî (642).

⁶³ Nchiarwa cia mîciî ya athînjîri-Mûrungu barîa batoombîre kûmenyithania këthîra nî baarî Aisraeli nîûntû bataamenyaga biûjûjû biaao baarî baba: mûciî jwa Habaia, na jwa Hakozi, na jwa Barizalai. (Barizalai aagûrîte mûka kuuma nthîgûrûûne ya Gileadi kuuma mûciî jwa Barizalai. Muntû ûu aajûkîrie riîtwa kuuma kîrî mûciî jûu).

⁶⁴Baacwîre mariîtwa ja ndîîjo ciaao barajaaga. Tontû bûû, bateetîkîrîîrue kwaa athînjîri-Mûrungu.

⁶⁵Mûrûngamîîri wa Ayahudi arabakaania kûrîa biakûrîa birîa biaathûrîri Mûrungu mwanka rîrîa gûkoonora mûthînjîri-Mûrungu ûrîa ûkoomba kûmenya wendi bwa Mûrungu agîtumagîra into bia kûringia tabio Urimu na Thumimu[3]

⁶⁶Antû bonthe barîa baacokere kuuma kîthamîrioone baarî antû ngiri mîrongo îna na ijîîrî cia magana jathatû ja mîrongo îtaantatû (42,360).

⁶⁷Antû bau baaumîte kîthamîrioone baarî na nthûûmba cia arûme na cia aka antû ngiri mûgwanja cia magana jathatû na mîrongo îthatû na mûgwanja (7,337). Ningî nî baarî na aka na arûme barîa baainaga; bonthe antû magana jaîrî ja mîrongo îna na bataano (245).

⁶⁸Baacokere na mbarathi magana mûgwanja na mîrongo îthatû na ithanthatû (736), na nyûmbû magana jaîrî ja mîrongo îna na ithaano (245).

⁶⁹Ningî nî baarî na nkamîra magana jana ja mîrongo îthatû na ithaano (435), na ntigiri ngiri ithanthatû cia magana mûgwanja na mîrongo îîrî (6,720).

⁷⁰Antû barîa baatongeeretie mîciî îrîa yaaumîre kîthamîrioone nî baaeejanîre into nîûntû bwa waki bwa kîûrû. Mûrûngamîîri wa Aisraeli nî aaeejanîre kilo inyaanya cia thaabu, na mpakûri mîrongo îtaano, (50) cia gûtumîrwa kîûrûûne, na ndwambambio magana jataano ja mîrongo îthatû (530) cia gûtumîrwa nî athînjîri-Mûrungu.

⁷¹Atongeeria bamwe mîciî ya Israeli nî baaritîre kilo îgana rîa mîrongo îtaantatû na inyaanya (168) cia thaabu, na kilo ngiri îmwe ya magana jaîrî ja mîrongo îtaano (1,250) cia fetha.

⁷²Antû bangî ba Israeli nî baaritîre kilo îgana rîa mîrongo îtaantatû na inyaanya (168) cia thaabu, na kilo îgana rîa mîrongo îna (140) cia fetha, na ndwambambio mîrongo îtaantatû na mûgwanja (67) cia gûtumîrwa nî athînjîri-Mûrungu.

⁷³ Tontû bûû, athînjîri-Mûrungu, na Alawi, na akaria mpingîro, na aini, na antû barîa baaritaga ngûgî kîûrûûne kîa Mûrungu, na antû bangî bonthe ba Israeli nî batûûrîre ntûûreene cia nthîgûrû ya Juda.