Read KIMERU BIBLE PROTESTANT EDITION Ayub 23 Bible Online

Ayub 23 - KIMERU BIBLE PROTESTANT EDITION bible

Ayub 23

¹Ayubu aracokia atîrî,

²“Kinya nandî nî ngûteta nîûntû bwa Mûrungu, Kîrîro gîaakwa gîtîkûmûgiria ampûûra.

³Wûi këethîra ndaamenya kûrîa mwonekia ndîngî gwîta gîkaroone kîaawe.

⁴Nî ka nciarîrîîria ningwa mbere yaawe nkamwîra mantû jamaingî na kanyua gaakwa.

⁵Nîrîo ndîngî kûmenya macokio jaawe nkamenya jonthe jarîa akaambîîra.

⁶Mûrungu atîenda gûtumîra inya yaawe kûngambithia. Arî! No mwanka anthikîîre mbere aigue ûrîa nkuuga.

⁷Muntû ûrî na mîîtîre îmîega no aciarîrîîrie kîrî we naani nî nkûmenya mûntuîîri îgamba waakwa akarîgiita auge kenya ntî na îthûûkia.

⁸Atîrî, ndeeta bwa gaiti atî nao, ndeeta bwa rûgûrû ntîkûmwoona.

⁹Ndamûcwaa bwa ûmotho ntîkûmwoona, ndamûcwaa bwa ûrîo atîkwonora.

¹⁰Îndî no we wiijî mîîtîre yaakwa nawe athiria kûngeria nkeethîrwa ntheri o ta thaabu.

¹¹Mbîtagîîra o narîa eetagîîra nthingatîte njîra yaawe ntîgûta njîra.

¹²Nî mbathîkagîra maathana ja Mûrungu ningî nteto irîa augîîte irî nkoroone yaakwa.

¹³Îndî we atîgarûkaga. Ka kûrî wa kûmûgarûra? We aathithagia o ûrîa akwenda.

¹⁴Nîkwîthîrwa we akoojûria jarîa ambangîrîte, nîûntû nî bûmwe bwa jamaingî jarîa abangîte.

¹⁵Kîu nîkîo gîtûmaga ntemûka ndî mbere yaawe nkamûkîra mono ndathûgaania mantû jau.

¹⁶Mûrungu nî anthirîtie ûchamba bwaakwa buru Mweneinya ambîkîra ûguaa.

¹⁷Nîkwîthîrwa muundu jûtîmbîkîra ûguaa Muundu jûrîa jûnkunîkîte jûtîtûma ndiitîjîra.”