Read KIMERU BIBLE PROTESTANT EDITION Ayub 26 Bible Online

Ayub 26 - KIMERU BIBLE PROTESTANT EDITION bible

Ayub 26

¹Ayubu aracokia atîrî,

²“Anga kûu nîku gûteethia ûrîa ûtî inya? Anga kûu nîku kwonokia barîa batî kainya?

³Ûkweejana kîrîra bwega kîrî muntû ûrîa ûtî na kîo ûkûmboneeria mantû jamaingî ja ûûme.

⁴Nûû ûgûteethetie woomba kwaria nteto ta iu? Nûû ûtûmîte ûthûgaania mantû jau?”

⁵“Roho cia barîa bakuîte ka igûteetema irî gwa akuû nîka ikwinaina.

⁶Gûntû kûrîa akuû barî Mûrungu nî akwonaga. Gûtîumba kwithwa atîgakwoone.

⁷Mûrungu nîwe wakûmîre îgûrû bwa ûrîo aracuuracuuria nthîgûrû ruuoone.

⁸Nîwe ûtûmaga matû jagîa rûûjî na akarigîîria jatîgatambûrwe nîru.

⁹Mûrungu atumagîra matu kûthiîka mweri.

¹⁰Nîwe wîkîte mwanka ndûûjîîne aathûrana weerû na muundu.

¹¹Itugî birîa bigweete îgûrû nîka biinainaga abigoondokera.

¹²Aaboreerie îria na inya yaawe rîrakira ningî aratûmîra ûûme bwaawe kûûraga nyamû ya îria îrîa îtagwa Rahabu.

¹³Aathererie îgûrû na mîrukî yaawe ningî arooraga nkûnga îrîa yaamatûkîte.

¹⁴Atîrî, jau nî mantû jamakai jarîa aathithia jarîa twigîîtue jakîarua na kîoe. Nûû ûûmba kûmenya na mma ûrîa Mûrungu oomba kûthithia?”