Read KIMERU BIBLE PROTESTANT EDITION Ayub 4 Bible Online

Ayub 4 - KIMERU BIBLE PROTESTANT EDITION bible

Ayub 4

¹Elifazi wa kuuma Tema aramûcokeria atîrî,

²“Muntû akeenda gûkwîra ûntû rî, wathûûra? Îndî nûû ûûmba gûkira atîkaarie?

³Atîrî, gwe ûrarîtana babaingî, na ûreekîra babaingî inya.

⁴Nteto ciaaku iragwatîîra antû barî akuî kûgwa, najo maru jatî na inya ûrajeekîra inya.

⁵Îndî nandî mantû jakwîjîîrîte ûtîkûûmîria o rîu jaakûringithîtie jagûgûkiinda buru.

⁶Gûkîra Mûrungu gwaaku, tî ku ûchamba bwaaku? Naku gwîtîkîka gwaaku, tî ku wîrîgîîro bwaaku?

⁷Û thûgaania woone këethîra kûrî muntû ûmwagîru waathira buru? Kana nîkû waigua antû ba mîîtîre îmîega bathirîtue?

⁸Ni ûrîa mboneete nî atî, barîa barîmagîra meeyia, na bakaanda wûûî, nîo bio bakethaga.

⁹Bathiragua nî mîrukî ya Mûrungu, bakamerua nî îkondoria rîa mûthûûro jwaawe.

¹⁰Kûruuma kwa ngatûnyi, na kajû ka ngatûnyi îng'eentu nî bithiri, na maîgo ja bianaana bia ngatûnyi nî jamaunîku.

¹¹Ngatûnyi nî înkuû nî kwaaga nyomoo ya kûûraga, natu twaanaana twa ngatûnyi nka twanyaganyagania na nthî.

¹²Nandî kûrî ûntû ndîrareteerwe mpaara, Ndaigua bûkîarua na kîoe.

¹³ Gatîgatîîne ka irooto ûtukû rîrîa toro îndito îgwataga antû,

¹⁴kîmakania nî kîambîjîrîîre na gûteetema mwanka marûitû jaakwa jonthe jaraagîîtha.

¹⁵Roho arakûrûkîîra meethoone jaakwa; mûtuundu jwa mwîrî jwaakwa jûrarûngama.

¹⁶Ndoonere gîntû kîrûngami ki îndî ntîmenye mwonekere jwaakîo. Gîntû kîu kîrakara meethoone jaakwa, naku gwakira ki, rîu ndîraigua kajû.

¹⁷‘Muntû ûkuujaga rî, Oomba kwaa ûmwagîru mbere ya Mûrungu? Muntû oomba kwaa ûmûtheru meethoone ja mûûmbi waawe?

¹⁸Kinya biûmbe biaawe atîbiîtîkia ningî nî oonaga maangaratania kinya ja araîka baawe.

¹⁹Nîatîa îndî oomba kwona jang’ana kîrî ûrîa ûûmbî na ntaka, ûrîa waaritîrwe mûthetuune, ûûmbîkia kûûragwa ntûti nkûrûki ya kîragutia?

²⁰Rûkîîrî eethagîrwa arî o, gûgîkinya ûgoro akeethîrwa atî o. Baathiraga buru na gûtî we woonaga bûrî ûntû.

²¹Atunyagwa bionthe birîa arî nabio, agakua atî na ûûme.”