Read KIMERU BIBLE PROTESTANT EDITION Ayub 7 Bible Online

Ayub 7 - KIMERU BIBLE PROTESTANT EDITION bible

Ayub 7

¹Ûtûûro bwa muntû nthîgûrûûne nî ta ngûgî ya gûkinyîîrua ya njûûrî Ntukû ciaawe nî ûmwe na cia mûriti ngûgî wa ntukû.

²O ta ûrîa nkombo iirîragîria mûng'unye jwa ûgoro, o ta ûrîa mwandîkwa eetagîîra îrîi,

³nîo u ngaîri mîeri ûtûûroone îtî na umithio mootukû jaakwa nî ja mîthangîko akî.

⁴Mami mbûûragia, “Nî rî gûgaakea?” Îndî ûtukû nî bweejaga bûbûraaja ngakara nkîgarûkaga ûrûrî mwanka gûgakea.

⁵Mwîrî jwaakwa jûkunîki nî mang'inyo na ironda. Mwîrî jwoomagara gîkoonde jûgatûrîkanga ironda.

⁶Ntukû ciaakwa irîkûrûkanga na mpwîî nkûrûki ya mûtumi ûgûtuma na ndigi nacio irîthiranga itî na wîrîgîîro.

⁷Ûkoorîrua ûtûûro bwaakwa nî ta mîrukî meetho jaakwa jatîkarîona wega kaîrî.

⁸We ûrîa ûndaithagîîria, antîntega kaîrî ûgaancwaa na meetho jaaku îndî ntîîthîrwa ndî o.

⁹O ta ûrîa îtu rînyaganagia rîkaûra, nîu muntû ûrîa ûkuîte atîcokaga kaîrî.

¹⁰Atîcokaga nja yaawe kaîrî kana arîrikanwa kaîrî nî antû ba kwaawe.

¹¹Tontû bûû, ntîtumania mûromo, nkaaria nkoro yaakwa îkîthangîkaga o ûu, ngakaya ndî na ûrûrû nkoroone o ûu.

¹²Nî ni îria kana nî ni nyamû ya îria îrîa îtagwa nkûnga tontû ûmbîkîrîte mûnkaria?

¹³Rîrîa ndauga: Ûrûrî bwaakwa bûkamboreria nakîo kîmamo gîaakwa kînogokie mîruuru,

¹⁴nîrîo ûmbîkagîra ûguaa na irooto ûkaamakia na bioneki na imakania bia ûtukû,

¹⁵mwanka nkairîrîria gwicuuria na nkeenda gîkuû nkûrûki ya mwîrî jûjû jwa mathîîna.

¹⁶Nkûnogua nî ûtûûro, ntîenda gûtûûra kenya rekana naani nîûntû matukû jaakwa nî jamakai.

¹⁷ Muntû ka arî mbi tontû ûmûthûngûûrîte na tontû ûmûthûganagîria rîonthe?

¹⁸Ka arî mbi kenda ûmûriûngagîra o rûkîîrî runthe na ûmûgeragia magiita jonthe?

¹⁹Ûgakara ûndûmîtie riitho mwanka rî? Kana ûtigana naani noo meria mata?

²⁰Kinya nkeeyia nîka nkûthithia atîa gwe mûkaria wa antû? Nîkî tontû ûmpethetie gîntû gîa kworotaga? Nîkî tontû mpeete mûrigo kîrî gwe?

²¹Nîkî tontû ûtîkûndekera maatia jaakwa ûmpebaeberia meeyia jaakwa? Nandî mbîtîte gûkua nthikwe mbîrîreene; naagwe ûgancwaa na ûtîmbona.