Read KIMERU BIBLE PROTESTANT EDITION Zab 114 Bible Online

Zab 114 - KIMERU BIBLE PROTESTANT EDITION bible

Zab 114

¹ Rîrîa Aisraeli baaumîre Misri, rîrîa nchiarwa iu cia Jakubu ciaumîre nthîgûrû ngeni;

²nthîgûrû ya Juda nî yaaere gîkaro kîa Mûrungu kîrîa kîtheru, na nthîgûrû ya Israeli îratua kwathagwa nîwe.

³ Îria rîoonere Mûrungu rîragaûkana mûuro jwa Jorodani rwamwona rûracoka kûrîa rwaumîte.

⁴Nabio irîma biratûûatûûa ta tûtûrûme na ibari birathûngathûngûtha ta tûbûri.

⁵Îria, nîmbi yaatûmîre ûgaûkana? A-gwe Jorodani, nîmbi yaatûmîre ûcoka kûrîa waaumîte?

⁶Buî irîma, nîmbi yaatûmîre bûtûûatûûa ta tûtûrûme? Naabuî ibari, nîmbi yaatûmîre bûthûngathûûngûtha ta tûbûri?

⁷Gwe nthîgûrû, inaina mbere ya MWATHANI mbere ya Mûrungu wa Jakubu.

⁸ Mûrungu nîwe ûtûmaga iiga riuma rûûjî agatûma nkomango îkauma kîthima.