Read KIMERU BIBLE PROTESTANT EDITION Zab 132 Bible Online

Zab 132 - KIMERU BIBLE PROTESTANT EDITION bible

Zab 132

¹Itû MWATHANI, ririkana Daudi na ûmwigîîrue kîaao na ûririkane mîthangîko îrîa oomîîrîîrie.

²MWATHANI ririkana wîrane bûrîa eekîre, ririkana mîciîtio îrîa aagûciîtîîrie gwe Mweneinya Mûrungu wa Jakubu, arauga atîrî,

³“Ntîtonya nyomba kana mbîta ûrûrî,

⁴Ntîthinka kana mama,

⁵Mwanka ncwîre MWATHANI gîkaro gîtûûro kîa Mweneinya Mîrungu wa Jakubu.”

⁶ Atîrî, tûrî Bethlehemu nî twaigîrue mantû ja Îthandûkû rîa kîrîkanîro naatuî tûrarîthîra miuundeene ya Jearimu.

⁷Tûrauga atîrî, “Twîteeni gîkaroone kîa MWATHANI tûmûthaathayie arî gîtîîne kîaawe kîa ûnene.”

⁸Njû kîûrûûne itû MWATHANI wîje gîkaroone gîaaku amwe na Îthandûkû rîa kîrîkanîro rîrîa rîonanagia inya yaaku.

⁹Athînjîri-Mûrungu baaku nî beekîre waagîru ta nguû antû baaku barîa atheru bakûngwîre.

¹⁰Ûkárega mûnene ûrîa ûthuurîte nîûntû bwa wîrane bûrîa weekîîre nthûûmba yaaku Daudi.

¹¹ MWATHANI nî waaciîtîîrie Daudi mûciîtio ûtîbuîri kûrekana naju ûramwîra atî, “Nkaeethia ûmwe wa nchiarwa ciaaku mûnene na ntûme aathane antûûne aaku.”

¹²Nchiarwa ciaaku ikëeja kûmenyeera kîrîkanîro gîaakwa, na maathana jarîa mbaritanîte, kinya nchiarwa ciaao ikaathanaga magiita jonthe.

¹³Nîkwîthîrwa MWATHANI nî athuurîte Zaiûni akîendaga kûmîeethia gîkaro kîaawe, akiugaga atîrî,

¹⁴“Aja nîo ngaatûûra kenya na kenya nîo nkaathanaga ndî.

¹⁵Nkaatharimaga Zaiûni na into birîa îkeenda, nyirie nkîa ciaayo na biakûrîa.

¹⁶Athînjîri-Mûrungu baayo bageekîra wonokio ta nguû antû baayo barîa atheru bakûngwîre.

¹⁷ Au nîo nkaaeetheria ûmwe wa nchiarwa cia Daudi mûnene au nîo ngatûma waathani bwa ûrîa nthuurîte bwîta na mbere.

¹⁸Nkoojûria anthû ba mûnene ûu nthao îndî ûnene bwaawe bûkaariiba.”