Read KIMERU BIBLE PROTESTANT EDITION Zab 136 Bible Online

Zab 136 - KIMERU BIBLE PROTESTANT EDITION bible

Zab 136

¹ Kaathageeni MWATHANI, nîûntû nî ûmwega, nîkwîthîrwa wendo bwaawe bûtîthiraga.

²Kaathageeni Mûrungu ûrîa mûnene kîrî mîrungu yonthe nîkwîthîrwa wendo bwaawe bûtîthiraga.

³Cokagîrieni MWATHANI wa athani nkaatho nîkwîthîrwa wendo bwaawe bûtîthiraga.

⁴Nîwe wenka ûthithagia mantû ja kûrigaria nîkwîthîrwa wendo bwaawe bûtîthiraga.

⁵ Nîwe wathithîrie îgûrû na ûûme bwaawe nîkwîthîrwa wendo bwaawe bûtîthiraga.

⁶ Nîwe weejîrîîre nthîgûrû îrieene ndeene nîkwîthîrwa wendo bwaawe bûtîthiraga.

⁷ Nîwe woombîre riûa na mweri nîkwîthîrwa wendo bwaawe bûtîthiraga.

⁸Riûa rîathanaga mûthenya nîkwîthîrwa wendo bwaawe bûtîthiraga.

⁹Mweri na njota biathanaga ûtukû nîkwîthîrwa wendo bwaawe bûtîthiraga.

¹⁰ MWATHANI nî ooragîre aana ba iranga ba antû ba Misri nîkwîthîrwa wendo bwaawe bûtîthiraga.

¹¹ Nî aaritîre Aisraeli Misri nîkwîthîrwa wendo bwaawe bûtîthiraga.

¹²Aabaritîre ku na inya yaawe na njara yaawe ya inya, nîkwîthîrwa wendo bwaawe bûtîthiraga.

¹³ Nîwe waagaûkanîrie Îria Îtuune nîkwîthîrwa wendo bwaawe bûtîthiraga.

¹⁴Aratongeeria antû ba Israeli bareetîîra ku, nîkwîthîrwa wendo bwaawe bûtîthiraga.

¹⁵Îndî arakuîkanîria Farao na njûûrî yaawe ku nîkwîthîrwa wendo bwaawe bûtîthiraga.

¹⁶Nîwe waatongeererie antû baawe rwanda nîkwîthîrwa wendo bwaawe bûtîthiraga.

¹⁷Nîwe wooragîre anene baarî na inya mono nîkwîthîrwa wendo bwaawe bûtîthiraga.

¹⁸Arooraga anene baarî nkuma înene nîkwîthîrwa wendo bwaawe bûtîthiraga.

¹⁹ Arooraga mûnene wa Aamori tawe Sihoni nîkwîthîrwa wendo bwaawe bûtîthiraga.

²⁰ Arooraga mûnene wa Bashani tawe Ogi nîkwîthîrwa wendo bwaawe bûtîthiraga.

²¹Aranenkanîra nthîgûrû ciaao kîrî Aisraeli nîkwîthîrwa wendo bwaawe bûtîthiraga.

²²Aranenkanîra nthîgûrû îîu kîrî nthûûmba yaawe Israeli nîkwîthîrwa wendo bwaawe bûtîthiraga.

²³Ningî nî aatûririkanîre rîrîa twombi ndweene nîkwîthîrwa wendo bwaawe bûtîthiraga.

²⁴Nî aatwonokerie kuuma kîrî anthû beetû nîkwîthîrwa wendo bwaawe bûtîthiraga.

²⁵Nîwe weejaga biûmbe bionthe biakûrîa nîkwîthîrwa wendo bwaawe bûtîthiraga.

²⁶Cokagîrieni Mûrungu wa Îgûrû nkaatho nîkwîthîrwa wendo bwaawe bûtîthiraga.