Read KIMERU BIBLE PROTESTANT EDITION Zab 141 Bible Online

Zab 141 - KIMERU BIBLE PROTESTANT EDITION bible

Zab 141

¹(Îîjî nî Zaburi ya Daudi.) Nî ngûgwîta, îgwe MWATHANI îjaanga ûnteethie! Mbigua rîrîa ndagwîta.

² Îtîkîîria îromba rîaakwa rîee ta kîgongwana kîa ubaani. Ûtare gûûkîîria njara ciaakwa îgûrû ngîkûromba gûkari ta kîgongwana kîa ûgoro.

³Itû MWATHANI karîa kanyua gaakwa ûkarie mîromo yaakwa.

⁴Nteethia ntîkathithie mantû jamathûûku ntîkeeje kûgwatanîra na barîa baaî. Ntîkagwatanagîre na gîkundi kîa barîa baaî biathoone biaao.

⁵Nî kaaba gûkanûkua nî muntû ûrî na kîaao naani nkûrûki ya gwakwa maguta nî mûnthû. Îromba rîaakwa nî atî, barîa baaî batigane na mantû jaao jamathûûku.

⁶Rîrîa anene baao bakaingiritîrwa ndwareene cia maiga, nîrîo bakaamenya atî, mantû jarîa mbugaga nî ja mma.

⁷O ta ûrîa nkû ciatûrangagwa nîu marûitû jaao jakanyaganua mbîrîreene.

⁸Îndî nî ngwîtîkîtie itû MWATHANI Mûrungu nî kîrî gwe ndiitumaga; ûgántiganîîria nkua.

⁹Nkaria ntîgatonye mîtegoone îrîa bantegeretie, kuuma mîkûmoone ya barîa baaî.

¹⁰Barîa baaî barogwa mîtegoone yaao naani ndeme gûtegua nîyo.