Read KIMERU BIBLE PROTESTANT EDITION Zab 143 Bible Online

Zab 143 - KIMERU BIBLE PROTESTANT EDITION bible

Zab 143

¹Itû MWATHANI, igua îromba rîaakwa, thikîîra îkaya rîaakwa, ûncokerie na waagîru na gwîtîkîka gwaaku.

² Ûkángambithia ni nthûûmba yaaku nîûntû gûtî muntû ûmwagîru mbere yaaku.

³Mûnthû nî ambithûkîrîte ankiindîra nthî kaba, ambîîka gûntû kwa muundu ta barîa baakuîre karaaja.

⁴Tontû bûû, nî nthirîri nî inya nkoroone nkathirîrwa nî wîrîgîîro buru.

⁵Ndiririkanaga îgiita rîrîa rîthirîte nkathûgaanîria jarîa ûnthithîrîtie nkaririkana mantû jonthe jarîa waanthithîria.

⁶Mbûkagîîria njara ngîkûromba nkûnyoonterete ta ûrîa nthîgûrû înjûmo înyoontagîra rûûjî.

⁷Ncokagîria îromba rîaakwa, itû MWATHANI! Nî nthirîri nî wîrîgîîro buru. Ûkámbutatîra ntîkeeje gûkara ta barîa bakuîte.

⁸O rûkîîrî o rûkîîrî ûndirikanie wendo bwaaku bûrîa bûtîthiraga, nîûntû nî mbîkîte wîrîgîîro bwaakwa kîrî gwe na nîgwe ndoombaga. Nditanaga ûrîa mbwîrîte gwîtaga, nîûntû nîgwe mbîrîgîîrîte.

⁹Ntunyûkia itû MWATHANI kuuma kîrî anthû matûkîte gwiciitha kîrî gwe.

¹⁰Nditanaga kûthithia wendi bwaaku nîûntû nîgwe Mûrungu waakwa. Reka ntongeerue nî Roho waaku ûmwega njîreene îtî na ûgwati.

¹¹Itû MWATHANI tûma ntûûrage bwega nîûntû bwa riîtwa rîaaku, nteethia thîîneene nîûntû gwe ûrî ûmwagîru.

¹²Tontû bwa wendo bwaaku bûrîa bûtîthiraga thiria anthû baakwa buru. Ûthirie barîa bonthe bampinyagîîria, nîûntû ni ndî nthûûmba yaaku.