Read KIMERU BIBLE PROTESTANT EDITION Zab 16 Bible Online

Zab 16 - KIMERU BIBLE PROTESTANT EDITION bible

Zab 16

¹Itû Mûrungu nkaria, nîkwîthîrwa nîgwe kîmatûkîro gîaakwa.

²Ndiuga na mma atî “Gwe nîgwe MWATHANI waakwa. Gûtî wega mbonekia tiga buumanîtie naagwe.”

³Atheru barîa barî nthîgûrûûne nî babeega mono nî mpeendaga gûkaranîra nabo.

⁴Barîa bathingataga mîrungu îngî, baingîagîrwa nî mathîîna! Ûûni ntîkoromîritîra igongwana ntîkorogweta mariîtwa jaayo.

⁵MWATHANI nîwe kiigai gîaakwa, nîwe ûmbûjûragia itharimo ûtûûro bwaakwa bûrî njareene ciaawe.

⁶Birîa ûmbathûrîrîte nî bibiega; gûtî nkaanja kiigai gîaakwa nî gîkîthongi.

⁷Nî nkaathaga MWATHANI we ûrîa ûmbathaga kîrîra kinya ûtukû nkoro nî îmbaragîria ûrîa kwagîrîte.

⁸ Nî mbijî MWATHANI arî amwe naani magiita jonthe; MWATHANI arî akuî naani, ntîûmba kwenyenyeka.

⁹Tontû bûû, nkoro yaakwa nî îgwîrîîtue na mwoyo jwaakwa nî jûkenete naju mwîrî jwaakwa jûrî kiindajî.

¹⁰ Nîkwîthîrwa gwe ûtîmbîrûkîra gwa akuû; gwe ûtîrekeeria mwîtîkua waaku oorera mbîrîreene.

¹¹Gwe nî ûmenyithîtie njîra ya mwoyo; kûgwîrua kwa mma kwonekaga kîrî gwe, gûkara akuî naagwe nîku kûgwîrua gwa kenya na kenya.