Read KIMERU BIBLE PROTESTANT EDITION Zab 2 Bible Online

Zab 2 - KIMERU BIBLE PROTESTANT EDITION bible

Zab 2

¹ Nîatîa mîgongo yookia thîîna nîmbi akîrîîndî bakwirebera ûtheri?

²Anene baao nî baciaandîte nîûntû bwa ndwaa; athani baao nî bathithîtie nkireba, bairebera MWATHANI na mûnene ûrîa athuurîte waawe bakiugaga,

³“Tûgiiteni nyororo ciaao, twithaûreni mîkanda îrîa batûtheekete nayo.”

⁴We ûrîa waathaga arî îgûrû nooka akûbathekera; MWATHANI ga akûbakurunga.

⁵Akaabaarîria na mûthûûro, abamakie arî na marûrû,

⁶abeere atîrî, “Ngwîka mûnene waakwa Zaiûni, kîrîmeene gîaakwa gîkîtheru.”

⁷ Nî ngûtûmîîria mbuge ûrîa MWATHANI augîîte: ambîrîte atîrî, “Naarua ngûgûciara; ûrî mûtaana waakwa.

⁸Mbîîra nî ûkwenda, woone mpeethie mîgongo yonthe kiigai gîaaku, ntûme waathe nthîgûrû yonthe, kuuma mûthia jûmwe mwanka jûngî;

⁹ ûbaathe ûtî na kîaao ûbaaraganie ja nyongû înkuû.”

¹⁰Tontû bûû, nandî, buî anene thûgaanieni bwega; imenyeereni buî athani ba mîgongo.

¹¹Athîkagîreeni MWATHANI na bûmûkîrage.

¹²Iringeni nthî magûrûûne jaawe atîkeeje kûthûûra atûma bûkua bûtîkinyîtie, nîkwîthîrwa marûrû jaawe nî ja mpwîî. Kaaba barîa bonthe baiciithaga ndeene ya MWATHANI.