Read KIMERU BIBLE PROTESTANT EDITION Zab 36 Bible Online

Zab 36 - KIMERU BIBLE PROTESTANT EDITION bible

Zab 36

¹ Meeyia nî jaaragîria muntû ûrîa mûûî nkoroone yaawe ndeene; bûkamwonia gûtî gîtûmi gîa gûkîra Mûrungu.

²Nîkwîthîrwa aciaagia atî meeyia jaawe jatîûmba kûmenyekana athûûrwa.

³Nteto irîa ciumaga kanyua kaawe nî cia waayia akî; aagîîte ûûme buru gûtî ûntû athithagia bûbwega,

⁴kinya amami nî abangaga mîbango îmîthûûku; eendaga kûthithia mantû jamaaî, na atîreganaga na ûthûûku.

⁵Wendo bwaaku MWATHANI bûrîa bûtîthiraga bwitîîtie bwakinya îgûrû. Gwîtîkîka gwaaku gwitîîtie gwakinya îgûrû.

⁶Waagîru bwaaku bûneenei ta irîma; îota rîaaku rîorokereete ta îria Nîgwe ûmenyagîîra antû na nyomoo.

⁷Itû Mûrungu, kîaao gîaaku gîtîthiraga; antû nî boonaga giciitho rungu rwa mathagu jaaku.

⁸Barîjaga biakûrîa bia kûng'ana kuuma kîrî gwe; na ûkabaa bia kûnyua mûuroone jwaaku jwa mawega.

⁹Nîkwîthîrwa gwe nîgwe kîthima kîa mwoyo; twonaga weerû kuumania na weerû bwaaku.

¹⁰Îta na mbere kwonanagia kîaao gîaaku kîrî barîa bakwijî, na ûtugi bwaaku kîrî barîa baagîru.

¹¹Ûkaareka aikumia bankinyanga, kana barîa baaî bampînga.

¹²Tega woone ûrîa barîa baaî bagwîte nthî bagwîthîtue ûrîa batîûmba gûûkîîra.