Read KIMERU BIBLE PROTESTANT EDITION Zab 39 Bible Online

Zab 39 - KIMERU BIBLE PROTESTANT EDITION bible

Zab 39

¹Ntwîre mbugîîte nkaimenyeera ntîkeeje kwîyia na rûûme rwaakwa; ntîtumûra kanyua gaakwa bunka ndî amwe na antû barîa baaî.

²Ntwîre ndiikirîrîte ntîkûgamba, îndî gûkira gwaakwa kûratuîka kwa ûtheri, mîthangîko yaakwa îreeta na mbere kwongeereka.

³Ndaathûgaania ndîragwatwa nî marûrû, ndîraaakanwa nî mûthûûro nkoroone, ndîraremwa nî kûûmîîria, ndîraaria.

⁴MWATHANI, menyithia rîrîa ûtûûro bwaakwa bûkaakinya mûthia; menyithia ûrîa ûtûûro bwaakwa bûng'ana; menyithia këethîra ûtûûro bwaakwa bûrî akuî kûthira.

⁵Nîkwîthîrwa ûtûûro bûrîa ûmpeete gwe nî ta gîntû gîa gûkumbata na nkuundi inkai; ûtûûro bwaakwa bunthe tî gîntû meethoone jaaku. Nî mma atî muntû wonthe ûrîa ûrî mwoyo nî ta mîrukî ya kanyua.

⁶Muntû eetaîtaga ta kîrundu; kinya kwinogia kûrîa ainogagîria na mantû naku nî kwa ûtheri; muntû oothûranagia into na atiijî nûû ûkaabirîa.

⁷Îndî nandî MWATHANI, nîmbi mbeteereete? Wîrîgîîro bwaakwa nî kîrî gwe.

⁸Mpeberia meeyia jaakwa jonthe; ûkaareka nthekeerwa nî biaa.

⁹Gankire; ntîtumûra kanyua; nîûntû jaja nî mathithio jaaku.

¹⁰Ûgáankanûkia kaîrî; ndîkwinya buru nîûntû bwa mpûûrwa irîa ûmpûûrîte.

¹¹Rîrîa ûgûkanûkia muntû nîûntû bwa meeyia jaawe, ûmûng'eenyaga ta kîng'inyo akaaga antû aeega. Nî mma muntû nî ja mîrukî.

¹²Igua îromba rîaakwa gwe MWATHANI na ûthikîîre kîrîro gîaakwa; waigua nkîrîra ûgákira. Nîkwîthîrwa ni ndî muntû ûriûngîte; ndî mûgeni o ta ba baaba ba karaaja bonthe.

¹³Mpebeeria meetho mbikie noo mîrukî itû, mbere ya nciîtîra mbîthîrwa ntî o.