Read KIMERU BIBLE PROTESTANT EDITION Zab 41 Bible Online

Zab 41 - KIMERU BIBLE PROTESTANT EDITION bible

Zab 41

¹Kîtharimo nî kîrî muntû ûrîa ûthûgaanagîria nkîa; MWATHANI akaamûteethagia rîrîa thîîna yamwîjîîra.

²MWATHANI akaamûmenyagîîra na amûtûûrie mwoyo; akaamûeejaga mawega arî nthîgûrûûne; atîkoromûrekeeria akinyangwa nî anthû baawe.

³MWATHANI akaamwîkagîra inya rîrîa aajîtue; akaamworagia mîrimo yonthe îrîa îkaamûgwataga.

⁴Tontû bûû, nî nkûromba MWATHANI nkiugaga atî, “Itû MWATHANI mbigîîrua kîaao; nî nkwîîrîtie îndî îtîkîra kûmboria.”

⁵Anthû baakwa barîa batîkwenda kûmbona bariuga: “Gatîkue koorîrie?”

⁶Beejaga kûndaitha bakîmbooreragia na mîromo na nî cia kwaria bagûcwaa; bathiria kuumagara nî ciaakwa akî bakûeejana.

⁷Barîa bonthe banthwîre barîaranîria ciaakwa na kîoe; beetîkîtie ntîtiga.

⁸Bariuga atîrî, “Aajîtue nî jûrîa mûthûûku buru buru; atîûkîîra au amami kaîrî.”

⁹ Kinya mûcoore waakwa wa ndeene buru ûrîa ntwîre mbîtîkîtie ûrîa tûtwîre kûrîîjanîra nawe, kinya we nî angarûkîte.

¹⁰Îndî gwe MWATHANI mbigîîrua kîaao; tûma mbigue bwega ndîe anthû baakwa kîrîa bacwîte.

¹¹Bûu bûgaatûma menye atî gwe nî ûmpendeete, nîûntû bwa kûrega wendi bwa anthû baakwa bûûjûra.

¹²Ngwatîîra gwe nîûntû bwa wathîki bwaakwa, na ûndûngîkage mbere yaaku magiita jonthe.

¹³ Arokumagua, MWATHANI Mûrungu wa Israeli, kuuma kenya mwanka kenya! Amen! Amen!