Read KIMERU BIBLE PROTESTANT EDITION Zab 5 Bible Online

Zab 5 - KIMERU BIBLE PROTESTANT EDITION bible

Zab 5

¹ Igua ûrîa nkuuga îtû MWATHANI; thikîîra gwikaîra gwaakwa.

²Igua kîrîro gîaakwa gwe mûnene, na Mûrungu waakwa, nîûntû nîgwe nkûromba.

³O rûkîîrî gwe MWATHANI, nî wigagua ngîkûromba; nkûritagîra kîgongwana o rûkîîrî, rîu ngeeteera wendi bwaaku.

⁴Gwe ûtî Mûrungu wa kûgwîrîrua mantû jamaaî; gwe ûtî ndûgû na barîa baaî.

⁵Ûtîendeete kwona aikumia; ningî gwe nî ûthwîre barîa bonthe bathithagia mantû jamaaî.

⁶Gwe ka ûthiragia barîa bonthe baaragia ûrongo; MWATHANI nî athwîre ooragani na antû ba waayia mono.

⁷Îndî ni nî mbijî atîrî, nîûntû bwa kîaao gîaaku kîrîa gîtîthiraga, ngaatonya nyomba yaaku; ngakûthaathayia mberekerete bwa kîûrû gîaaku gîkîtheru ndiinyiiîtie mbere yaaku.

⁸Ntongagîîria itû MWATHANI na waagîru bwaaku; nîûntû ndî na anthû babaingî-rî, ûkaareka mbîja gûta njîra yaaku.

⁹Nîkwîthîrwa gûtî ûûma buumaga tûnyua twaao; mairîrîîria ja nkoro ciaao nî ûûragani; mîmero yaao nî ta mbîrîra itîkunîki; ndûûme ciaao gûtî ngûgî ingî iritaga tiga ya kwaria ûrongo.

¹⁰Bakanûkie nîûntû bwa meeyia jaao, gwe Mûrungu; ka bairigicanie na irîra biaao bongwa; nîûntû bwa ûrîa meeyia jaao jaingîi, beenge buru; nîûntû nî bareganîte na Waatho bwaaku.

¹¹Îndî barîa bonthe baiciithaga kîrî gwe, ûrobaejaga nkerû, bagakwinagîra barî na kûgwîrua rîonthe; ningî ûkaragie barîa bagwîtîkîtie, nîkenda bagûkaathagîîria.

¹²Nîkwîthîrwa gwe MWATHANI nî ûtharimaga muntû ûmwagîru, ûkamwigîra na rong'o ya wendo bwaaku.