Read KIMERU BIBLE PROTESTANT EDITION Zab 52 Bible Online

Zab 52 - KIMERU BIBLE PROTESTANT EDITION bible

Zab 52

¹ (Rûrû nî rwîmbo rwa Daudi rîrîa Doegi wa kuuma Edomu eetîre kîrî Saûlû aramwîra Daudi arî nja ya Ahimeleki.) Gwe nchamba, nîkî ûgwikumia rîrîa ûkûthithia ûthûûku? Mûrungu nî mwîtîkua magiita jonthe.

²Mîbango yaaku nî ya kûthûûkia antû bangî; rûûme rwaaku rûtemanaga ta rwembe; no mantû ja waayia ûbangaga.

³Wendeete ûthûûku ûkathûûra wega; wendeete ûrongo ûkathûûra ûûma.

⁴Gwe mûrongo ûûjû! Wendeete kûthûûkia antû na nteto ciaaku inthûûku.

⁵Tontû bûû, Mûrungu agakûthiria buru; agaagûkuruthûra kuuma nja yaaku; na akwebie akûrite o.

⁶Barîa baagîru boona ûu, bakaigua ûguaa; nabo bagaakûthekera bakiugaga;

⁷“Tegeeni muntû ûrîa ûtîeethagia Mûrungu giiciitho kîaawe; îndî atûûraga eerîgîîrîte gûteethua nî ûtonga bwaawe bûbwingî, na akeerîgîîra gûkarua nî ûthûûku bwaawe.”

⁸Îndî ni nkari ta mûzeituni jûriibîte, ndî kîûrûûne. Mbîrîgagîîra Mûrungu ambigîîrua kîaao kîaawe kîrîa gîtîthiraga.

⁹Nkaamûkaathaga magiita jonthe nîûntû bwa mantû jarîa anthithîrîtie. Ngaakaathagîîria riîtwa rîaaku rîrîega; kîrî antû baaku.