Read KIMERU BIBLE PROTESTANT EDITION Zab 56 Bible Online

Zab 56 - KIMERU BIBLE PROTESTANT EDITION bible

Zab 56

¹ (Zaburi ya Daudi rîrîa Afilisti baamûgwatîîre ntûûreene ya Gathi.) Itû Mûrungu mbigîîrua kîaao, nîûntû anthû nî bambithûkîrîte; banthangîkagia magiita jonthe.

²Anthû batindaga beengeene naani babaingî baao bakambithûkîra.

³Îgwe MWATHANI Mweneinya, rîrîa ndaigua ûguaa nîgwe mbîtîkagia.

⁴Mbîtîkagia Mûrungu nkathira ûguaa; nkamûkumia nîûntû bwa wîrane bwaawe. Ntîûmba gûkîra muntû.

⁵Anthû batindaga gûcwaa ûrîa bakaanthûûkia; bambangagîra ûthûûku akî.

⁶Boothûranaga bagankabîra, bagakara bategeete mîîtîre yaakwa, nîkenda bambûraga.

⁷Itû Mûrungu, bakanûkie; nîûntû bwa ûthûûku bwaao, ûbathirie na mûthûûro.

⁸Gwe nî wiijî mîthangîko yaakwa; îkîra meethori jaakwa chuubeene. Na waandîke ûrîa jang'ana yukuune rîaaku.

⁹Rîrîa anthû bakambithûkîra, ngaagûkaîra ûnteethie. Ûu nîu nkaamenya atî ûrî amwe naani.

¹⁰Nînkumagia wîrane bwa Mûrungu ngakaathîrîîria jarîa MWATHANI augîîte.

¹¹Mbîtîkîtie Mûrungu gûtîkîo mpûûmba gûkîra; ka muntû oomba kûngîta atîa?

¹²Nkoojûrîa mîciîtio îrîa ngaagûciîtagîria gwe Mûrungu; na ngaakûritagîra igongwana bia nkaatho.

¹³Gwe ûmbonokeetie kuuma gîkuûne watûma ndarega kûûragwa. Naani ngaakûthaathayia, îgiita rîonthe rîrîa ngaatûûra mwoyo.