Read KIMERU BIBLE PROTESTANT EDITION Zab 58 Bible Online

Zab 58 - KIMERU BIBLE PROTESTANT EDITION bible

Zab 58

¹Kûrî rîo buî atongeeria bûritaga Waatho bûrîa bwagîrîte? Kûrî rîo bûgiitaga magamba na îota?

²Arî, bûthûgaanagia ûthûûku akî na bûkabanga kûthithia ûthûûku nthîgûrûûne.

³Barîa bambagîîria ûthûûku batîciari bakeethîrwa barî na waayia kuuma gûciarwa.

⁴Barî thumu ta njoka; na batiigagua o ta ûrîa kiua gîtiigagua.

⁵Kiua gîtiigagua mwaamia wa njoka akîaria, kana kiigua akiina.

⁶Anthû bakari ta ngatûnyi ing'entu. Itû Mûrungu, baunange maîgo, baunange mîguara yaao itû MWATHANI.

⁷Baronyua nthî ta rûûjî barokinyangwa bakanyaara ta nyaki.

⁸Baronyenyea ta gîkonyo bakathira, bagakara ta kiuno kîrîa gîciaragwa gîkuîte.

⁹Bakiuga baamenya, barokûûrwa kûnû ta matî ja miigua; barokûûrwa bagateewa ta ûrîa muntû ateejaga matî ja miigua kûraaja.

¹⁰Barîa baagîru bagaakena boona ûrîa barîa baaî bakanûkîîtue. Bageeta bagîkinyangaga tharike ya bau baaî.

¹¹Rîu antû bakauga atîrî, “Nî mma atî barîa baagîru bakoona îtuui; na bamenye atî Mûrungu arî mwoyo We ûrîa ûgiitagîra antû îgamba nthîgûrûûne.”