Read KIMERU BIBLE PROTESTANT EDITION Zab 60 Bible Online

Zab 60 - KIMERU BIBLE PROTESTANT EDITION bible

Zab 60

¹ (Zaburi ya Daudi ya kûritana antû ba Israeli ba nthîgûrû ya Aramu kuuma ntûûreene ya Aramu-naharaimu na ya Aramu-zoba. Rîu nîrîo Joabu ooragîîre antû ba Edomu ngiri îkûmi na ijîîrî {12,000} Kîguuruune gîa Chumbî.) Gwe Mûrungu nî ûtûtiganîrîtie watûma twombwa nî anthû; ûrathûûri nî tuî nandî twîkîre inya kaîrî.

²Ûtûmîte nthîgûrû inaina mwanka yaatûkanga; nandî cokanîîria nkuû ciaayo nîûntû no îkwinaina.

³Ûtûmîte antû baaku bathîîna mono; ûtûmîte twatang'atang'a ta antû boogiti.

⁴Nî waamenyithîrie barîa bagwîtîkîtie atî anthû bakaithûka nabo baramatûka.

⁵Igua maromba jeetû tuî tûkwendeete, ûtwonokie na inya yaaku na ûtwee ûûmbani.

⁶Mûrungu aarîtie arî kîûrûûne kîaawe auga atîrî, “Nkoombana na ngaanie ntûûra ya Shekemu na mûgwanthî jwa ntûûra ya Sukothi ichunchî ichunchî ngaire antû baakwa.

⁷Gileadi nî yaakwa, na kinya Manase nî yaakwa. Efuraimu nî nkobia ya îthaga ya gwikaria nayo Nayo Juda nî rûturo rwaakwa rwa ûnene.

⁸Edomu nîku nditagîra iraatû, nkathamba magûrû ndî Moabu, kwonania cio-ijîîrî nî ciaakwa. Ngaakuura ndoomba Filisti.”

⁹Nûû ûgantongeeria ambikie ntûûreene îrîa irigîrîtwe ya Edomu?

¹⁰Nîka ûtûthûûrîte buru itû Mûrungu, watîîjîra njûûrî cieetû?

¹¹Tûteethie tûûmbe anthû beetû, nîûntû ûteethio bwa muntû nî bwa ûtheri.

¹²Mûrungu arî rûteere rweetû tûkoombana tûûmbe anthû beetû buru.