Read KIMERU BIBLE PROTESTANT EDITION Zab 62 Bible Online

Zab 62 - KIMERU BIBLE PROTESTANT EDITION bible

Zab 62

¹Mbetagîîra nkirîrîtie Mûrungu ambonokia, wonokio bwaakwa buumaga kîrî we.

²Mûrungu nîwe giiciitho gîaakwa nîwe ûmbonokagia; nîwe giitiiro gîaakwa, ntîkarîûmbwa nî anthû.

³Ûûni nkari ta rûthingo rwambaari kana rwego rûrî akuî kûgwa. Nî mwanka rî bûgaakara bûkîmbithûkagîra bwinthe?

⁴Buî bwendaga kûmbaka îgi bûkîaragia ûrongo. Bwaragia mantû jameega îndî bûrî na ûthûûku nkoroone.

⁵Mbetagîîra Mûrungu nkirîrîtie; wîrîgîîro bwaakwa nî kîrî we bûrî.

⁶Mûrungu nîwe giiciitho gîaakwa nîwe ûmbonokagia; nîwe giitiiro giaakwa, ntîkarîûmbwa nî anthû.

⁷Mûrungu nîwe ûmbonokagia na agatûma ngîa na îgweta. Nîwe ûnkaragia na nîwe giiciitho gîaakwa.

⁸Antû beetû, îtîkagieni Mûrungu magiita jonthe bûmwîrage mantû jarîa jabûthîînagia, Mûrungu nîwe giiciitho gîeetû.

⁹Antû bonthe nî gîntû gûtîkîo; bëethîrwa barî itonga kana nkîa, bakëeja kûthimwa beethîrwa barî baboothû nkûrûki ya mîrukî.

¹⁰Ûkéerîgîîra gûteethua nî ûtuunyani; kana wîrîgîîra gwitongia na wamba; kinya ûtonga bwaaku bûkaingîa, ûgeeka wîrîgîîro bwaaku kîrî bu.

¹¹Nî mbigîîtue magiita jamaingî; Mûrungu akiuga atî arî inya,

¹² na atî kîaao kîaawe gîtîthiraga. Nîkwîthîrwa nî mma, MWATHANI arîaga muntû kûringana na mathithio jaawe.