Read KIMERU BIBLE PROTESTANT EDITION Zab 63 Bible Online

Zab 63 - KIMERU BIBLE PROTESTANT EDITION bible

Zab 63

¹(Zaburi ya Daudi rîrîa aarî rwanda rwa Juda.) Itû Mûrungu, gwe nîgwe Mûrungu waakwa; nîgwe nyoontagîra. Nkwirîragîîria o ta ûrîa muntû airiragîîria kûnyua rûûjî rîrîa anyoonti arî rwanda.

²Naani nî nkwoneete ûrî kîûrûûne gîaaku, na nî mboneete inya yaaku na mwago jwaaku.

³Kîaao gîaaku kîrîa gîtîthiraga nîkîo kîrî bata nkûrûki ya mwoyo. Tontû bûû, ngaagûkumagia.

⁴Ngaagûkumagia ûtûûroone bwaakwa bunthe na ngaakûthaathayia.

⁵Ni nkaang'anîrwa ta muntû ûrîte biakûrîa bibithongi kîathoone, na mbinage ngwîrîîtue ngîgûkumagia.

⁶Nthûgaanagia bwaaku mami, ngaakûririkana ûtukû maindûkîra;

⁷Nîgwe ûtwîre ûrî ûteethio bwaakwa, nkainaga ngwîrîîtue ndî ûkarieene bwaaku.

⁸Mwoyo jwaakwa jwigwatagîîra kîrî gwe na njara yaaku ya ûrîo îgantiira.

⁹Barîa beendaga kûmbûraga baronyua nthî bakarima.

¹⁰Barothirîrua ndweene, barorîîwa nî mbiti ng'aauu.

¹¹Mûnene akaagwîrua nîûntû bwa Mûrungu kûmwaa ûûmbani; barîa bonthe beekaga wîrane bagîkîraga Mûrungu bagaakena, îndî barîa baaragia ûrongo batîona bwa kuuga.