Read KIMERU BIBLE PROTESTANT EDITION Zab 64 Bible Online

Zab 64 - KIMERU BIBLE PROTESTANT EDITION bible

Zab 64

¹Itû Mûrungu, igua ûrîa ngûkaya; mbonokia nî ngûkîra anthû.

²Nkaragia kuuma nkirebeene cia barîa baaî, ûnkaragie kuuma kîrî kîrîndî gîkîthûûku.

³Nteto irîa baaragia itemanaga ta nchiû, îrî ûrûrû ta mîgwî ya ûbai.

⁴Bakabagîra barîa baagîru bakabaratha na biugo batî na ûguaa.

⁵Bagwatanagîra bakabanga ûthûûku; bakauga ûrîa bagategia mîtego na witho, bakiugaga atî, “Gûtî we ûgaatwona.”

⁶Babangaga ûthûûku bakiugaga, “Ûthûûku bûu twabanga bûtîmenyeka.” Nkoro ya muntû na mathûgaanio jaawe nî kîriga, gîtîmenyekaga.

⁷Îndî Mûrungu akaabaratha na mîgwî abeekîre ngûma ntûtî.

⁸Mûrungu akabathiria nîûntû bwa mantû jarîa baaragia rîrîa antû bonthe bakaaboonaga bakabatiimba.

⁹Nabo antû bonthe bakaigua ûguaa; boona ûrîa Mûrungu athithîtie bakaathûgaanîria mantû jau mono.

¹⁰Barîa baagîru bakaagwîrua nîûntû bwa MWATHANI na baiciithage kîrî we. Antû barîa baagîru nî bakumagie MWATHANI!