Read KIMERU BIBLE PROTESTANT EDITION Zab 65 Bible Online

Zab 65 - KIMERU BIBLE PROTESTANT EDITION bible

Zab 65

¹Nî tûbuîrîte gûgûkumia gwe Mûrungu tûrî Zaiûni na nî tûbuîrîte kûûjûragia mîciîtio îrîa tûgûciîtîrîtie.

²Antû beejaga kîrî gwe nîûntû nî ûcokagia maromba.

³Rîrîa twombwa nî meeyia, nî ûtûrekagîra.

⁴Nî kaaba antû barîa ûthuuraga barîa wîtaga nîkenda batûûra kîûrûûne gîaaku. Tûng'anagîrwa nî mantû jameega jarîa jaumaga kîûrûûne gîaaku, na tûkang'anîrwa nî itharimo birîa biumaga ku.

⁵Ûtûcokagîria maromba ûgaatwaa ûûmbani bwa kûrigaria. Nîgwe wîrîgîîro bwa antû bonthe nthîgûrûûne na kinya îrieene.

⁶Weekîre irîma arîa birî; ûroonania inya yaaku.

⁷Ûkiragia mûrurumo jwa mîgombe îrieene ûkathiria mateta ja antû ba mîgongo.

⁸Antû bonthe nî bagûkîraga boona mantû ja kûrigaria jarîa ûthithagia; mantû jarîa ûthithagia jatûmaga antû bonthe nthîgûrûûne bakagwîrua mono.

⁹Gwe ûmenyagîîra nthîgûrû, ûkamiurithîria ngai, nayo nthîgûrû îkanora mono. Mîuro yaaku îtîagaga rûûjî, naagwe nî ûtûmaga nthîgûrû îîthîrwa îrî na irio kûringana na mûbango jwaaku.

¹⁰Uurithagia ngai ya kûng'ana ntiiro îkang'ananîîria, nthî îkoorowua nî ngai; ûgatûma imera bikauma.

¹¹Ûtûmaga gûkeethîrwa kûrî na maketha jamaingî mwaka junthe; kûrîa kunthe wîtagîîra gûkeethîrwa kûrî na bia kûng'ana.

¹²Gûntû kûrîa kûrîîthagua nî kûriibîte, na kûrî na kûgwîrua irîmeene.

¹³Ithaka biûjûri ndîîthia, mîgwanthî îgakunîkwa nî nkano, na kunthe antû nîka bakwina bagîkûngûagîra.