Read KIMERU BIBLE PROTESTANT EDITION Zab 69 Bible Online

Zab 69 - KIMERU BIBLE PROTESTANT EDITION bible

Zab 69

¹Mbonokia itû Mûrungu, nîkwîthîrwa ndî akuî kûrimanua nî rûûjî.

²Ga nkworokera ntakeene, na gûtî o a gûkinya ntiga kworokera; Ndî rûûjîîne gatîgatî, mîgombe îrî akuî kûndimania.

³Ngwîtana nteethua ndanoga; mwanka ndooma mûmero. Nkarîte ntegeete mbeteereete Mûrungu anteethia mwanka ndaanoga meetho.

⁴ Barîa banthwîre gûtî na gîtûmi nî babaingî nkûrûki ya mûtuundu jwa kîongo gîaakwa. Barîa beendaga kûnthiria nî babaingî; bantuujagîîra ûkûûjî bwa ûrongo bakambîtia into ntiiyîte.

⁵Ntîûmba kwitha meeyia jaakwa kîrî gwe itû Mûrungu; waa bwaakwa nî ûbwijî.

⁶Itû MWATHANI Mweneinya Mûrungu wa Israeli Ûkáreka barîa bagwîtîkîtie bacokerwa nî nthao nîûntû bwaakwa.

⁷Ndumagwa nîûntû bwaaku; Ûgatûma ngeekîrithua nthao.

⁸Antû beetû boonaga ta ntî Mûisraeli, barîa nciaranîrîîtue nabo bagakara ta batîmbijî.

⁹ Wendo bûrîa mpendeete kîûrû gîaaku nabu bûmpîîthagia ta mwanki; Ûrumi nî ndumi.

¹⁰Ndinyiiagia na gûciata biakûrîa, îndî batîtigaga kûnduma.

¹¹Ndeekîra mathango, bakoona gîa kûnguutîra.

¹²Antû bakari nthî biaragoone no ciaakwa baaragia; antû boogita nî ni bainaga.

¹³Îndî ni nîgwe ndombaga itû MWATHANI; ûncokerie îromba rîaakwa rîrîa ûkeenda itû Mûrungu nîûntû kîaao gîaaku gîtîthiraga, na nî ûûjûragia wîrane bwa kûmbonokia.

¹⁴Mbonokia ntîkoorokere ntakeene; ntuûnyûkia kuuma kîrî anthû baakwa; ûnteethie kuuma mborokeriine ya rûûjî.

¹⁵Ûkáreka mûguû jûnkondoria, kana ndimanua nî rûûjî rwa îria, kana merua nî gîkuû.

¹⁶Itû MWATHANI ncokeria îromba rîaakwa na wendo bwaaku bûbûnene; ûnthikîîre nîûntû ûrî wa kîaao gîtîthiraga.

¹⁷Ûkámbutatîra ni nthûûmba yaaku; ndî thîîneene mbigua ntûtî.

¹⁸Njûû ûmbonokie; ûntuunyûkie kuuma kîrî anthû baakwa.

¹⁹Nî wiijî ûrîa ndumagwa, na ûrîa mbagîri nthoni na ndamenwa. Nî wiijî anthû baakwa bonthe.

²⁰Irumi birîa ndumi nî binthirîtie inya biatûma ndaaga wîrîgîîro. Ndererîgagîîra antû bambigîîrua kîaao, baarega; ndaacwaga wa kûmboreria, ndaaga.

²¹ Baambîkagîîra into bibithûûku biakûrîene; barankuundia ndibei încecûku.

²² Barothirîra biathoone biaao; baroreeterwa thîîna nî igongwana birîa baritaga.

²³Baroûra meetho bakaa ntumuumu. Ûroboonjia mîgongo bakainainaga magiita jonthe.

²⁴Batûrîkîrie mûthûûro jwaaku, bakanûkie na marûrû jaaku.

²⁵ Ntûûra ciaao irwaa maganjo; gûkaaga muntû wa gûtûûra maemeene jaao.

²⁶Anthû bathangîkagia antû barîa gwe ûkanûkîtie, na bakaaria bûbûthûûku bwa barîa booneete thîîna.

²⁷Bakanûkagie magiita jonthe; na ûkaareka bamenya wonokio bwaaku.

²⁸ Angûra mariîtwa jaao yukuune rîa barîa barî mwoyo; mariîtwa jaao jakéethîrwa jarî amwe na barîa baagîru.

²⁹Ûûni nî nthangîkîte na ndî na ûrûrû bûbûnene, itû Mûrungu, nkaragia na wonokio bwaaku.

³⁰Ngaakumagia riîtwa rîa Mûrungu na rwîmbo; mûgoongage nkîmûcokagîria nkaatho.

³¹Bûu nîbu bûkaagwîragia MWATHANI nkûrûki ya kûmûritagîra ndeegwa îrî igongwana.

³²Barîa bainyîîrîtue boona mantû jau bakagwîrua, barîa bathaathagia Mûrungu bageekîrwa ûchamba.

³³MWATHANI nî aigagua barîa barî thîîneene na atîûragîrua nî antû baawe barîa barî ncheera.

³⁴Îgûrû na nthî biromûkumagia; arokumagua nî îria na birîa bionthe bikaraga ku.

³⁵Mûrungu akoonokia ntûûra ya Jerusalemu aake ntûûra cia Juda irîa ithûûkangîtue. Rîu antû ba Israeli bagaatûûra ku nthîgûrû yee yaao.

³⁶Nchiarwa cia antû baawe îgaatûûra barîa bamwendeete nabo bakarage ku.