Read KIMERU BIBLE PROTESTANT EDITION Zab 75 Bible Online

Zab 75 - KIMERU BIBLE PROTESTANT EDITION bible

Zab 75

¹Nî tûgûgûcokeria nkaatho gwe Mûrungu; nî tûgûgûkaatha nîûntû bwa riîtwa rîaaku; na tûkeerana ûrîa ûthithîtie mantû jamanene.

²Mûrungu ariuga atîrî, “Nî mbîîkîte îgiita rîrîa ngaatua magamba na îota.

³Rîrîa nthîgûrû yateetema amwe na birîa bionthe birî ku biainaina, nî ni mîmenyagîîra.

⁴Ndîîra aikumia batige gwikumia; nkeera antû barîa baaî batige gûciimbaimbia.

⁵Nî batige rwikumio batige gûciûkaûkîîria.”

⁶Nîkwîthîrwa ûteethio bwa muntû bûtiumaga gaiti kana bwa rûgûrû, kana buuma bwa rwanda.

⁷Îndî buumaga kîrî Mûrungu ûrîa ûtuujanagîra îgamba na îota, akanûkagia bamwe, akarekeeria bangî.

⁸MWATHANI arî na mûthûûro jûmûnene, na akajûtûrîkîria anthû baawe; abathirie buru nthîgûrûûne.

⁹Îndî ni ntîkorotiga kwaragia mantû ja Mûrungu wa Jakubu; nkamûkumagia magiita jonthe.

¹⁰Akaathiria inya yonthe ya barîa baaî, îndî akongeera inya ya barîa baagîru.