Read KIMERU BIBLE PROTESTANT EDITION Zab 81 Bible Online

Zab 81 - KIMERU BIBLE PROTESTANT EDITION bible

Zab 81

¹Inîreeni Mûrungu, we inya yeetû, bûkûngwîre bûkiinagîra Mûrungu wa Jakubu.

²Bûmwinîre bûkîringaga wandîîndî, na tambûrini na inanda bia nkunju inyiingî.

³Ringeeni tarumbeta mambureene jeetû najo nî ja mweri jûkîguûka na ja mweri jwojûra.

⁴Bûu nîbu Waatho bwa Mûrungu wa Jakubu, nîjo mawaatho jarîa jaeejani nîûntû bwa Israeli.

⁵Nîbu Waatho bûrîa aanenkeere Aisraeli rîrîa aaithûkagîra nthîgûrû ya Misri. Nî ndaigîrue kajû ntiijî gakiugaga atîrî,

⁶“Ni nî ndaabûnogokerie mîrigo îmîrito ndîratûma bûreeka mîrigo îrîa bwaakamatîte nthî.

⁷Rîrîa bwaarî thîîneene, nî bwaambîtîre naani ndîrabwonokia. Ndîrabwigua ndî matuune ja ngai na ndîrabûgereria ithimeene bia Meriba.

⁸Buî antû baakwa thikîîreeni mantû jarîa nkûbûkaania buî antû ba Israeli bwigue ûrîa nkuuga.

⁹ Bûtîbuîrîte kwîthîrwa bûrî na mîrungu ya mîng'uanano kana bûmîthaathayia.

¹⁰Ni nî ni MWATHANI Mûrungu weenu, ûrîa waabûritîre nthîgûrû ya Misri. Agamieni tûnyua ta twa twanaana twa nyoni, naani nkabûrera.

¹¹Îndî antû baakwa bataigîrue ûrîa ndaabeeraga, Israeli îtambathikîîre.

¹²Tontû bûû, ndîrabarekeeria barathithia ûrîa beendaga barathingata irîra biaao biongwa.

¹³Këethîra antû baakwa nî baanthikîrîîre, këethîra Israeli nî baambathîkîîre;

¹⁴ndîngî gûkanûkia anthû baao ntûti, na nkathiria maitha jaao buru.

¹⁵Antû barîa baameneete bakairinga nthî mbere yaakwa, naani mbakanûkie îkanûkia rîa gûtûûra.

¹⁶Îndî nkaabûnyiria na biakûrîa biumanîtie na nkano irîa njega buru, na mbûnyirie na nainchû.”