Read KIMERU BIBLE PROTESTANT EDITION Zab 83 Bible Online

Zab 83 - KIMERU BIBLE PROTESTANT EDITION bible

Zab 83

¹Itû Mûrungu, tiga gûkira o ûu, Ûgákira ki gûtî u ûkûthithia.

²Tega ûrîa anthû baaku bakwenda kûrwaa naagwe, barîa bakûthwîre nî ndwaa bagûcwaa naagwe.

³Babangîrîte antû baaku mîbango îmîthûûku bairebera barîa gwe ûkaragia.

⁴Bariuga atîrî, “Njûûni tûthirie mûgongo jwa Israeli nîkenda riîtwa rîaaju rîtîkorogwetwa kaîrî.”

⁵Bakwirebereete bagwatanîrîte; banyua muuma jwa kûrwaa naagwe.

⁶Nabo nî antû ba Edomu na ba Ishimaeli, na ba Moabu, na ba Hagiri.

⁷O amwe na antû ba Gebali, na ba Amoni, na Amaleki na ba Filisti na ntûûra ya Tiro.

⁸Ningî kinya Asîria nî bagwatanîrîte nabo, nîkenda beekîra nchiarwa iu cia Loti înya.

⁹ Mûrungu bakanûkie o ta ûrîa waakanûkîrie Amidiani, na o ta ûrîa waakanûkîrie mûnene Sisera na mûnene Jabini mûuroone jwa Kishoni.

¹⁰Waabooragîîre ntûûreene ya Edori biimba biaao biroorera mûthetuune bitîthiki.

¹¹ Ûraga atongeeria baao o ta ûrîa wooragîre mûnene Orebu na mûnene Zeebu. Ûbathirie o ta ûrîa wathirîrie mûtongeeria Zeba na Zalumuna.

¹²Nabo baaugîîte atîrî, “Ga tûtae nthîgûrû îrîa îtûûragwa nî antû ba ûrîîthi bwa Mûrungu.”

¹³Itû Mûrungu waakwa baurute ta tîîri, ûbanyaganie o ta ûrîa matî janyagagua nî kabuubani.

¹⁴O ta ûrîa mwanki jwîîthagia mwitû, na o ta ûrîa rûmûrî rwîîthagia irîmeene,

¹⁵nîu ûbuîrîte kwîngana nabo na mûthûûro ûbamakie na kîbuubani gîaaku!

¹⁶Itû MWATHANI, tûma bacokerwe nî nthao, ûtûme bamenye atî ûrî inya înene.

¹⁷Baroojûrwa nî nthao bagatûûra bamakîîtue bagakua bameni.

¹⁸Tûma bamenye Gwe gwenka nîgwe MWATHANI nîgwe Ûrîa Ûrî Îgûrû buru na nîgwe wenka waathanaga nthîgûrûûne yonthe.