Read KIMERU BIBLE PROTESTANT EDITION Zab 87 Bible Online

Zab 87 - KIMERU BIBLE PROTESTANT EDITION bible

Zab 87

¹MWATHANI nî aakîre ntûûra yaawe kîrîmeene kîrîa kîtheru gîa Zaiûni.

²MWATHANI nî endete ntûûra ya Jerusalemu mono nkûrûki ya gûntû kunthe kûrîa nchiarwa cia Jakubu itûûraga.

³Îîgwe ntûûra ya Mûrungu, mantû jamanene jakwegiî nî jaaragua.

⁴MWATHANI ariuga atîrî, “Rîrîa nkoonania mîgongo îrîa îmbathîkagîra kinya Misri na Babiloni ikeethîrwa irî o. Ningî rîrîa nkoonania antû barîa batûûraga Jerusalemu ngaatarîra antû ba Filisti, na ba Ethiopia, na ba ntûûra ya Tiro kîrî bo.”

⁵Nabo antû bonthe bakaugaga mantû jegiî Zaiûni atîrî, “Antû ba mîgongo yonthe baaciarîrwe aja.” Mûrungu Ûrîa Ûrî Îgûrû buru akamîîkîra inya.

⁶MWATHANI akaandîka mariîtwa ja antû baawe bonthe barîa baaciarîrwe Zaiûni.

⁷Nabo antû bakainaga na kûgwîrua bakiugaga atîrî, “Ntûûra ya Zaiûni, nîgwe kaumo geetû.”