Read KIMERU BIBLE PROTESTANT EDITION Zab 88 Bible Online

Zab 88 - KIMERU BIBLE PROTESTANT EDITION bible

Zab 88

¹(Zaburi ya antû ba Kora, îrîa yaini nî muntû weetagwa Hemani wa rûrîîjo rwa Ezra.) Itû MWATHANI, Mûrungu waakwa, nîgwe ûmbonokagia. Ngûkaagîra mûthenya na ûtukû.

²Thikîîra îromba rîaakwa wigue îkaya rîaakwa.

³Nî nthaangîkîte mono ndî akuî gûkua.

⁴Mbagîte inya buru nabo antû bambonaga ta kiimba.

⁵Mbîrûkîri buru ta antû barîa baakuîre barathikwa barîa boorîîrie buru na batî na ûbatu bwa gûteethua.

⁶Ûngereete mbîrîreene ndeene buru kûrîa kûrî muundu jûmûnene mono.

⁷Mûthûûro jwaaku jûnkondoretie ta ûrîa mîgombe îkondoranagia.

⁸Ûtûmîte nkeerûkîrwa nî acoore baakwa bagatua kûmbonaga ta gîntû gîkîthûûku. Ndî ncheera, ntîûmba kûmatûka.

⁹Ndîrîte ngatûnea meetho Itû MWATHANI, mbûkagîîria njara ntukû cionthe ngîkûromba.

¹⁰Womba kûringîra barîa bakuîte biama? A-bo boomba gûûkîîra bagagûkumia?

¹¹Nteto cia wendo bwaaku bûrîa bûtîthiraga rî, nî ciîranagwa gwa akuû? A-nteto cia gwîtîkîka gwaaku rî, nî ciaragua mbîrîreene?

¹²Biama biaaku rî, nî biijîkeene muunduune gwa akuû? A-wonokio bwaaku rî, bwoomba kûmenyekana kûrîa kwoorîîrie gwa akuû?

¹³Îndî ni itû MWATHANI nkaagîra, nkûrombaga o rûkîîrî o ruukîîrî.

¹⁴Itû MWATHANI, nîkî ûntû ûnthûûrîte? Nîkî ûntû ûmbutatîrîte?

¹⁵Ntûûraga nkîthangîkaga kuuma ndî mwana, na nandî ndî beco gûkua; ûnkanûkîîtie nkainya, mwanka nkathirîrwa nî wîrîgîîro.

¹⁶Ûnkoondoretie na mûthûûro jwaaku wankanûkia bûbûûî mono.

¹⁷Thîîna îmbithûkagîra mûthenya junthe îkambithûkîra kuuma nteere cionthe ta îkoondoria.

¹⁸Ûtûmîte nkeerûkîrwa nî acoore baakwa bonthe; nî muundu akî nkwona.