Read KIMERU BIBLE PROTESTANT EDITION Zab 91 Bible Online

Zab 91 - KIMERU BIBLE PROTESTANT EDITION bible

Zab 91

¹Muntû wonthe ûrîa wiciithaga kîrî MWATHANI, Ûrîa Ûrî Îgûrû buru eethagîrwa arî ûkarieene bwa Mweneinya.

²Nawe aaugaga atîrî, “MWATHANI nî kîrî gwe matûkaga, nîgwe giitiiro gîaakwa, Mûrungu waakwa nîgwe mbîtîkagia.”

³Mûrungu agaakwonokagia kuuma mîtegoone îrîa îtegi withoone akwonokie kuuma mîrimoone îmîthûûku.

⁴MWATHANI agakûguîkagîra o ta ûrîa ngûkû îguîkagîra tûchui. Akûmenyagîîre ûtîkoone ûgwati; agûkaragie na akwigagîre nîûntû we nî mwîtîkua.

⁵Naagwe ûtîkîraga ûgwati ûtukû kana ûkîra kwithûkîrwa mûthenya.

⁶Ningî ûtîkîraga mîrimo irîa îîjaga ûtukû kana moothûûku jarîa jeejaga mûthenya.

⁷Asikarî ngiri no booragîrwe rûteere rwaaku na bangî ngiri îkûmi booragîrwe rûteere rûngî îndî gûtî ûthûûku bûgagûkuîîrîria.

⁸Gwe nî gûcionera ûgacionera akî barîa baaî bagîkanûkua.

⁹Nîkwîthîrwa weethetie MWATHANI giiciitho gîaaku, waethia Ûrîa Ûrî Îgûrû buru aa gîtûûro gîaaku.

¹⁰Gûtî ûthûûku bûgakwîjîîra na gûtî ûgwati bûkeeja akuî na nja yaaku.

¹¹ Nîkwîthîrwa Mûrungu akeera araîka baawe bakûmenyagîîre, bagûkaragie kunthe kûrîa ûgeetagîîra.

¹² Araîka bagaakûgwatagîîra gwe ûtîkeeje kûringwa magûrû nî maiga.

¹³ Ûgeetagîîra kîrî ngatûnyi na ûkinyage kiua wîtagîîre kîrî ngatûnyi irîa nthûûku buru na ûkinyage njoka irîa irî thumu.

¹⁴Nîkwîthîrwa MWATHANI ariuga atîrî, “Nkoonokia barîa bampendeete na nkaragie barîa bambijî.

¹⁵Bambîta nkaabeetîka, mbîthîrwe ndî amwe nabo, mbatunyûkagie na mbakumithagie.

¹⁶Nkabaa ûtûûro bûbûraaja na mboonokagie.”