Read KIMERU BIBLE PROTESTANT EDITION Zab 97 Bible Online

Zab 97 - KIMERU BIBLE PROTESTANT EDITION bible

Zab 97

¹MWATHANI nîwe mûnene! Nthîgûrû nî îgwîrague. Naabuî nthîgûrû irîa icîgîîrîîtue nî îria bûkene.

²Aathanaga na waagîru na îota, nawe akunîki nî matu na muundu jûmûnene.

³Mwanki juumaga kîrî we, jûgeeta jûkîîthagia anthû baawe barîa barî akuî.

⁴Ndweeni ciaawe ithaaraga nthîgûrû, antû boona ûu bagateetema.

⁵Irîma birerûkaga ta mûûra mbere ya MWATHANI, îî, mbere ya MWATHANI wa nthîgûrû yonthe.

⁶Îgûrû rîtûmagîîria waagîru bwaawe antû bonthe nî boonaga mwago jwaawe.

⁷Barîa bonthe bathaathagia mîrungu ya mîng'uanano nî beekîrithîtue nthao, barîa baikumagia bakîthaathagia mîrungu ya ûtheri ya mîng'uanano, nî bamenye atî yo iigwîthagia îkathaathayia Mûrungu.

⁸Antû ba Zaiûni bakaagwîrua nabo antû ba ntûûra cia Juda bakene baigua ûrîa gwe Mûrungu ûgiitaga magamba.

⁹Gwe MWATHANI Ûrîa Ûrî Îgûrû buru nîgwe wathaga nthîgûrû yonthe nîgwe ûthûngûûragwa nkûrûki ya mîrungu yonthe.

¹⁰MWATHANI eendaga barîa bathwîre ûthûûku agakaria antû baawe barîa bamwîtîkagia na akabatunyûkia kuuma kîrî antû babaaî.

¹¹Weerû bûthaaragîra barîa baagîru bûkaretera barîa beega kûgwîrua.

¹²Buî barîa baagîru gwîragueni nîûntû bwa MWATHANI, na bûkumagie riîtwa rîaawe rîrîa rîtheru.