Read KIMERU BIBLE PROTESTANT EDITION Njun 14 Bible Online

Njun 14 - KIMERU BIBLE PROTESTANT EDITION bible

Njun 14

¹Mûka ûmûûme nîka aakaga mûciî jwaawe, îndî mûka ûmûriitu atharagia mûciî jwaawe wengwa.

²Muntû ûmwagîru nî akîraga MWATHANI îndî muntû ûmûthûûku nîka ameneete MWATHANI.

³Kîaa kiiretagîîra îkanûkia na nteto irîa kîaragia, îndî muntû ûmûûme acionokagia na nteto ciaawe.

⁴Kûrîa gûtî ndeegwa cia kûrîma gûtî maketha, îndî kûrîa kûrî ndeegwa cia kûrîma kûrî maketha jamaingî.

⁵Mûkûûjî ûmwega atîaragia ûrongo, îndî mûkûûjî ûtî wa mma aragia ûrongo akî.

⁶Mwikumia atîûmba kûûmîa îndî muntû ûmûûme amenyaga mantû ntûti.

⁷Ûgéetanagia na biaa, nîûntû gûtîkio ûkairitana kuuma kîrî bio.

⁸Muntû ûmûûme nî amenyaga ûrîa akûthithia, îndî kîaa gîciaagia nî gîkûmenya ûrîa gîkûthithia.

⁹Antû babariitu batîûragia bakîîyia, îndî antû babaagîru nî beendaga kûrekerwa.

¹⁰Gûtî muntû ûûmba kûmenya kîeba kana kûgwîrua kûrî nkoroone ya muntû ûngî.

¹¹Nyomba ya muntû ûmûûî îkaamomorangwa, îndî kagaanda ka muntû ûmwagîru gatîgwe karûngi.

¹² Kûrî ûntû muntû athithagia akîonaga nî bûbwega, îndî mûthieene bûkamwikia gîkuûne.

¹³Kinya rîrîa muntû akûtheka oomba kwîthîrwa arî na thîîna nkoroone, ningî kûgwîrua kwoomba kûthingatagwa nî kîrîro.

¹⁴Antû babathûûku bakoona îtuui rîa mathithio jaao, nabo baabeega bakaaewa îtuui rîa mathithio jaao.

¹⁵Muntû ûmûriitu eetîkagia mantû jonthe, îndî muntû ûmûûme nî aambaga kûthûgaania ûrîa akûthithia.

¹⁶Muntû ûmûûme nî aimenyagîîra akeebera ûthûûku, îndî kîaa giitonyagia ûthûûkuune gîtîkûûria.

¹⁷Muntû wa marûrû athithagia mantû ja waa, îndî muntû ûmûûme atîthithagia ûntû atîthûgaanîtie bwega.

¹⁸Muntû ûmûriitu eetaga na mbere kwongeera waa bwaawe, îndî muntû ûmûûme akoongeera ûmenyo bwaawe.

¹⁹Antû barîa baaî baturagîria barîa beega maru; babaturagîria maru mîrangoone ya nyomba ciaao bakîenda ûteethio.

²⁰Nkîa îthûûragwa, îkathûûrwa kinya nî mûtûûri waayo, îndî gîtonga kîrî acoore babaingî.

²¹Muntû ûrîa ûmenaga muntû ûngî nî kwîyia eeyagia, îndî muntû ûrîa wigagîîrua nkîa kîaao nî atharimi.

²²Kûbangîra antû bangî ûthûûku nî gwaatia, îndî kûbangîra bangî mîbango îmîega nî gûtûmaga muntû eendwa na eetîkua.

²³Barîa bonthe baritaga ngûgî na wîru nî boonaga umithio, îndî barîa baringaga mûromo akî batûûraga ûkîeene.

²⁴Muntû ûmûûme agemagua nî ûûme bwaawe îndî kîaa gîkagemua nî waa bwaakîo.

²⁵Mûkûûjî wa mma nî oonokagia antû, îndî mûkûûjî ûtî wa mma, aritaga ûkûûjî bwa kûthûûkia antû bangî.

²⁶Ûrîa ûkîraga MWATHANI gûtîkîo kîmûmakagia na antû ba mûciî jwaawe batîkoroaga giitiiro.

²⁷Gûkîra MWATHANI nî ta kîthima kîa mwoyo nî gûtûmaga muntû atîkagwatue nî mûtego jwa gîkuû.

²⁸Mûnene arî nkuma rîrîa akwatha antû babaingî, îndî akëethîrwa atî nabo nî wa ûtheri.

²⁹Muntû ûrîa ûtîthûûrangaga na mpwîî nî ûmûûme, îndî muntû ûrîa ûthûûrangaga na mpwîî nîka oonanagia waa bwaawe.

³⁰Nkoro îmbooreru nî îîkagîra mwîrî inya, îndî mîruuru nî yonjagia mîîndîîndî.

³¹Muntû ûrîa ûiinyagîîria nkîa, nî mûûmbi waawe amenithagia, îndî ûrîa wigagîîrua nkîa kîaao, nî mûûmbi waawe akumithagia.

³²Muntû ûmûthûûku athiragua nî ûthûûku bwaawe, îndî muntû ûmwagîru nî ateethagua nî wega bwaawe.

³³Kîrîra gîcwagwa kîrî barîa boome, gîtîûmba kwonora kîrî biaa.

³⁴Waagîru nî bûtûmaga mûgongo jûgîa nkuma, îndî meeyia jatûmaga antû bagîa îgi.

³⁵Nthûûmba îrîa îthithagia mantû na ûûme nîyo îgwîragia mûnene, îndî îrîa îmwîkîrithagia nthao nîka amîkanûkagia.