Read KIMERU BIBLE PROTESTANT EDITION Mût 11 Bible Online

Mût 11 - KIMERU BIBLE PROTESTANT EDITION bible

Mût 11

¹Toonyia mbeecha ciaaku biashareene cia nthîgûrû cia oome, naagwe ûkoona umithio bwaacio nyuma ya îgiita rîng'ana ûna.

²Toonyia mbeecha ciaaku biashareene mwanya mwanya, nîûntû tîka wiijî nî ûthûûku bûrîkû bûkeeja nthîgûrûûne.

³Matu joojûra ngai, ka jauraga; mûtî naju ndeerîa jûgûûjaga jwerekerete, no ndeo jûkaraga.

⁴Muntû ûrîa wetagîîra ruuo ruurutana ûrîa akwenda, atîaandaga; ningî muntû ûrîa ûtegaga matu, atîkethaga.

⁵O ta ûrîa ûtîûmba kûmenya ûrîa mîrukî îtonyaga kîrî kaana karîa gagûkûrîra kîu kîa ng'ina, nîo u ûtîûmba kûmenya ngûgî cia Mûrungu, mûûmbi wa bionthe.

⁶Aandaga mbeeû rûkîîrî, na waandage kinya ûgoro nîûntû ûtiijî nî mbeeû îrîku îkaabua, nî ya rûkîîrî kana nî ya ûgoro, kana nî cionthe.

⁷Weerû nî bûbwega, na muntû nî agwîragua oona riûa.

⁸Muntû nî abuîrîte kûgwîragîrua matukû jonthe jarîa agaatûûra mwoyo kinya jëethîrwa jaingîi atîa, akîririkanaga atî nyuma ya gûkua, matukû jaawe jakeethîrwa jaingîi nkûrûki. Mantû jonthe jarîa jakarîkaga nyumeene nî ja ûtheri.

⁹Muntû ûmwîthî, gwîragîrua wîthî bwaaku. Wigwîragie nkoro matukû ja wîthî bwaaku. Thithagia bûrîa bunthe wigagua ûkîenda, îndî ûmenye atî Mûrungu agakûgambithîria mantû jonthe jarîa ûkaathithia.

¹⁰Ebagîra mantû jarîa jareetagîra nkoro yaaku kîeba na webagîre mantû jarîa jareetagîra mwîrî jwaaku thîîna. Tontû wîthî na wanoonyi nî bia ûtheri.