Read KIMERU BIBLE PROTESTANT EDITION Rwî 1 Bible Online

Rwî 1 - KIMERU BIBLE PROTESTANT EDITION bible

Rwî 1

¹ Iji nî ndwîmbo inthongi mono cia Solomoni.

²Itû mûnyaanya muumunya; muumunya nîûntû wendo bwaaku nî bûbwega nkûrûki ya ndibei.

³Maguta jarîa ûciakaga nî jaeeraga bwega; riîtwa rîaaku rîagwetwa rîkari ta maguta jau. Nîkîo gîtûmaga aarî bakwenda.

⁴Ngwata njara tûmatûke ûmbikie kûrîa ûraaraga wee mûnene waakwa. Naatuî tûkaagwîrua tûrî amwe, tûkûngwîre wendo bweetû bûrîa bûkûrûkîte ndibei. Nîkîo gîtûmaga aarî bakwenda.

⁵Îbuî aka ba Jerusalemu, ûûni ndî ûmwirû na ndî ûmûthongi. Ndî ûmwirû ta maema ja rwanda rwa Kedari, îndî ndî ûmûthongi ta itambaa bia ndiricha cia nyomba ya Solomoni.

⁶Ûkámena nîûntû ndî ûmwirû, nîka mpîthîîtue nî riûa. Ataana ba chiaa nî baathûûrîre nî ni barampeethia mûmenyeeri wa muunda jwa mîzabibû ndîroorîrua nî kûmenyeera mwîrî jwaakwa.

⁷Mûnyaanya mbîîra naarîa ûgeeta kûrîîthia ng'ondu ûmbîîre naarîa ikaamama thaa thita cia mûthenya. Tontû gûtî na gîtûmi mbîta ngîgûcwaga ndîîthieene cia arîîthi bangî.

⁸Î gwe mwarî ûmûthongi nkûrûki ya aarî bangî bonthe, ga ûtîkûmenya kûrîa ngeeta? Ûkîîja ûthingaate makinya ja ng'ondu ûcwee antû a kûrîîthia mbûri ciaaku akuî na maema ja arîîthi.

⁹Mûnyaanya waakwa ûng'uaneene na mbarathi nka îrî gatîgatî ka mbarathi cia Farao.

¹⁰Makai jaaku jageemetue na nî jamathongi mono na nkingo yaaku îgemetue na mîkathî ya goro.

¹¹Naatuî tûgakûthithîria into bia kwithongomia bia thaabu na fetha.

¹²Mûnene waakwa arî gîtîîne anogoki, najo maguta jaakwa nî jaaeeraga bwega.

¹³Mûnyaanya waakwa akari ta kîondo kîûjûri manemane, kîrîa kîrî kîbareene giaakwa.

¹⁴Mûnyaanya waakwa akari ta kîmaanja kîa maûa jarîa jakûraga muundeene jwa mîzabibû kûu Enigedi.

¹⁵Atîrî mûnyaanya, nîatîa ûrî ûmûthongi ndaakwîra ûrî ûmûthongi mono, Meetho jaaku jakengakengaga nî wendo.

¹⁶Mûnyaanya waakwa, nîatîa ûrî nkanya nîatîa ûthongomi. Nyaki îriibîte nîyo îkaa ûrûrî bweetû.

¹⁷Mîarîro ya nyomba yeetû nî ya mîtarakwa, îgûrûgûrû bwa ndeene kwaarî mîaro ya mîthithinda.