Read KIMERU BIBLE PROTESTANT EDITION Rwî 8 Bible Online

Rwî 8 - KIMERU BIBLE PROTESTANT EDITION bible

Rwî 8

¹Wûi këethîra ûrî mûtaana wa chiaa, tûkeethîrwa nî twonkere nyoonto îmwe! Rîu ndîngî kwîthîra oome, ndîngî gûkûmuumunya, na gûtî we ûrîngî kûmmena.

²Ndîngî gûgwikia nyomba ya maama, ûrîa ûnditanîte mantû jonthe. Au nîo ndîngî gûgûkundîria ndibei îrî mûchemo ningî ngagûkuundia rûûjî rwa nkukumanga.

³Wûi nkamamîra njara yaawe ya ûmotho na kîongo gîaakwa nayo njara yaawe ya ûrîo îgantongatonga!

⁴Ndabwerenca buî aarî ba Jerusalemu, bûgaûkaûkia kana buumbuthûra wendo, bûtîrakinyia rîrîa rîagîrîte.

⁵Nûû ûrîa uumîte rwanda aitiiranîtie na njara ya mûnyaanya waawe? Ndookaûkîîrie wendo bwaaku rungu rwa mûtî jwa mûapû arîa waaciarîri.

⁶Mpendaga ni ninka ûkorokumbatîria ûngî tiga ni ninka. Nîkwîthîrwa wendo bûrî inya nkûrûki ya gîkuû. Nabu bwakanaga ta rûmûrî rwa mwanki, nabu bwîîthagia ta mwanki jwa rûûa.

⁷Rûûjî rûtîûmba kworia wendo, na wendo bûtîûmba gûkoondorua nî mûguû. Kinya muntû akarita ûtonga bwaawe bunthe nîkenda eendwa, atîona wa kûmwenda.

⁸Tûrî na kaarî geetû gatîrauma nyoonto. Nîatîa tûkaathithia rîrîa gakaambîrîria kûgambua?

⁹Gakëethîrwa gakari ta rûthingo, tûgaakîra mûnaara jwa fetha. Îndî gakëethîrwa gakari ta mpingîro tûkaingîra buru na mbaaû cia mîtarakwa.

¹⁰Ûûni ndî rûthingo na nyoonto ciaakwa nîcio mûnaara jwa rûthingo rûu; nawe mûnyaanya waakwa ambonaga akang'anîrwa.

¹¹Solomoni nî aarî na muunda jwa mîzabibû kûu Baali-hamoni. Arajûkomborithania kîrî arîmi Nabo o muntû aabuîri kûrîaga fetha ngiri îmwe nîûntû bwa maketha jaaju.

¹²Munda jwaakwa jwa mîzabibû, nî jwaakwa akî Solomoni no akare na fetha ciaawe na arîmi no bakare na maketha jaao

¹³Mûnyaanya waakwa, gwe ûtwîre muundeene aria naani, mbigue no ûkîaria, acoore baakwa bathikîîrîte.

¹⁴Mûnyaanya waakwa, ûgîanga wîje kîrî ni ûgîanga ta nkûrûngû kana ta nthia îrî irîmeene birîa birî mîtî îrîa yeeraga bwega.