Read KIMERU BIBLE PROTESTANT EDITION Isa 4 Bible Online

Isa 4 - KIMERU BIBLE PROTESTANT EDITION bible

Isa 4

¹Îgiita rîgaakinya rîrîa aka mûgwanja bagaatua kûgwataga ntomûrûme ûmwe bakamwîra, “Tuî tûkairîmagîra biakûrîa bieetû na twigûragîre nguû cieetû twingwa; bunka akî ûreke twîtagwe eekûrû baaku, ûtwebeerie îgi rîa kwîthîrwa tûtîgûri.”

²Îgiita rîgaakinya rîrîa nthîgûrû ya MWATHANI îgaatuîka înthongi na îîthîrwe îrî na nkanya, najo matigari ja Israeli jagaatua kûgwîragîrua maciara ja nthîgûrû yaao.

³Barîa bonthe bakeethîrwa barî Zaiûni batigeere kûu Jerusalemu, barîa bonthe bakeethîrwa baandîki mariîtwa jaao yukuune rîa mwoyo kûu Jerusalemu, bageetagwa babatheru.

⁴Îgiita rîu MWATHANI akeethîrwa athambîtie Zaiûni yathira rûko rûrîa îîkîri nî aka baayo; akeethîrwa athambîtie Jerusalemu yaathira tharike ya ndwaa. MWATHANI akeeja na inya yaawe gûtuîra antû baawe na kûbatheria.

⁵ Ningî MWATHANI ageekaga îgûrû rîa kîrîma kîa Zaiûni kîonthe na îgûrû rîa barîa bakoothûranaga kû îtu mûthenya na ûtukû eekage toogi na rûmûrî rwa mwanki. Tontû bûû, ûkumio bwa Mûrungu bûkaimbagîra, na bwirigagîre Zaiûni,

⁶bweejanage mûng'unye nîûntû bwa riûa mûthenya, na bûtûme Zaiûni yaa kîmatûkîro na gûntû gwa gwiciitha kîbuubani na ngai.