Read KIMERU BIBLE PROTESTANT EDITION Isa 56 Bible Online

Isa 56 - KIMERU BIBLE PROTESTANT EDITION bible

Isa 56

¹MWATHANI ariuga ûjû: “Kareni bûkîthithagia mantû ja îota na jarîa jaagîrîte, nîûntû wonokio bwaakwa bûrî akuî, nabu bûkaaguûrîrua antû bonthe.

²Kîtharimo nî kîrî muntû ûrîa ûkaathithagia ûntû bûbû; ûrîa ûgaakaraga akûgwete magiita jonthe; nî muntû ûrîa ûkaamenyagîîra waatho bwa ntukû ntukû ya sabatû magiita jonthe atîkûbûkinyanga, na akairigîra kûthithia ûntû bûbûthûûku noo bûrîkû.”

³Mûgeni ûrîa ûkeethîrwa airinganîrîte na antû ba MWATHANI akauga atî, “MWATHANI no mwanka ambathûrane na antû baawe;” ningî kinya mwakûre akauga atî, “Ûûni ntî na mwanya na mûtî jûmoomo.”

⁴Tontû MWATHANI ariuga atîrî, “Aakûre barîa bamenyagîîra Waatho bwaakwa bwa ntukû ya sabatû, barîa beetîkîrîte kûthithagia mantû jarîa jangwîragia, na bathingataga kîrîkanîro gîaakwa;

⁵nkaabaa kiigai ndeene ya kîûrû gîaakwa; mpaandîke mariîtwa jaao nthingoone ciaakîo batûûre baririkanagwa nkûrûki ya ûrîa barîngîkûririkanwa nîûntû bwa kûgîa na aana na nthaka na aarî. Ngaatûma mariîtwa jaao jatûûre jaririkanagwa na gûtî rîo jakoroûrîria mwanka kenya na kenya.

⁶Nabo ageni barîa bakeethîrwa bairinganîrîte na antû ba MWATHANI, bamwîtîkie, batuîke nthûûmba ciaawe, na bamûtungatîre; barîa bonthe bakaamenyagîîra waatho bwa ntukû ya sabatû batîkûbûkinyanga, na bakîthingataga kîrîkanîro gîaakwa.

⁷Bau nkaabareeta kîrîmeene gîaakwa gîkîtheru, na ntûme bagwîrague barî kîûrûûne gîaakwa kîrîa nthaathagîrua. Biewa biaao na igongwana birîa bakaanditagîra kîritîroone gîaakwa kîa igongwana, bigeetîkîrîkaga. Tontû kîûrû gîaakwa gîgeetagwa nyomba ya maromba ya antû ba mîgongo yonthe.”

⁸MWATHANI Mûrungu, we ûrîa ûûthûranîtie antû ba Israeli barîa batwîre banyagîtue ariuga atîrî, “Nkoothûrania kinya bangî mbaringanîîre amwe na bau barîîkîtie kûûthûranua.”

⁹MWATHANI arîîta antû ba mîgongo îngî akabeera beeje bonthe ta nyamû ndîîjani; arîbeera beeje bonthe ta nyamû cia kîthaka, barîa antû baakwa.

¹⁰Ariuga akaria ba antû baawe nî atumuumu; bonthe nî bagîîte ûmenyo. Bonthe bakari ta kurû impaamu, irîa itîgambaga; irîa itindaga imami ikîrootaga, nîûntû bwa ûrîa ciendeete toro.

¹¹Bakari ta kurû irî na mpara, irîa itîng'anagia biakûrîa. Kinya arîîthi ba antû baawe bakari ta antû batîkûmenya ûrîa bakûthithia, O muntû arîthithia ûrîa akwenda, agîcwaa gwiteethia aawe wengwa.

¹²Barîîrana, “Gatûnyueni ndibei; gatûnyueni mwanka twogite, na kinya rûûjî tûthithie o ta u kaîrî na kinya nkûrûki.”