Read KIMERU BIBLE PROTESTANT EDITION Jer 47 Bible Online

Jer 47 - KIMERU BIBLE PROTESTANT EDITION bible

Jer 47

¹ MWATHANI nî aarîîrie Kîroria Jeremia nteto ciegiî Afilisti. Aamwarîîrie mbere ya Farao aithûkîra Gaza.

²MWATHANI aaugîre atîrî, “Tegeeni bwoone ûrîa rûûjî rwa kuuma bwa ûrîo rwimbîte, naru rûkaa rûûjî rwa îkoondoria rîrînene; rûûjûre nthîgûrûûne, rûkunîke bionthe birîa birî ku. Ntûûra na barîa batûûraga ku bigaakunîkwa. Antû bakarîra bagîîtanaga, na bonthe barîa baatwîre nthîgûrû bagaikaîra.

³Bakaigua makinya ja mbarathi ciaawe ciûgîîte, na mûrurumo jwa ngaarî ciaawe cia ndwaa ûrîa magûrû jaacio jagûkiricana. Aciari batîûmba gûcokera aana nîûntû njara ciaao itîîthîrwa irî na inya.

⁴Îgiita rîa kûthiria Afilisti bonthe rîgûkinya rîa kûthiria barîa barîngî gûtuîka kwaa ûteethio bwa ntûûra ya Tiro na ya Sidoni. MWATHANI arî akuî kûthiria Afilisti barîa batigeere nthîgûrûûne ya Krete rûteere rwa îria.

⁵Antû ba ntûûra ya Gaza bakaithikîîra beenjeete mîtwe, na ba ntûûra ya Ashikeloni bakire ki Nabo Afilisti barîa batigeere bakaithikîîra.

⁶Bûrîrîra bûkiugaga, ‘Rûchiû rwa MWATHANI nî mwanka rî ûgatiga kûûraga? Coka kîûeene gîaaku ûkare ku ûnogokeete.’

⁷Nîatîa rûchiû rûûmba kûnogoka MWATHANI arûnenkerete ngûgî? Arûtûmîte rwithûkîra ntûûra ya Ashikeloni na nteere cia îria.”