Read KIMERU BIBLE PROTESTANT EDITION Kîr 5 Bible Online

Kîr 5 - KIMERU BIBLE PROTESTANT EDITION bible

Kîr 5

¹MWATHANI ririkana mantû jarîa jatwîjîîrîte. Ûraithîrie ûrîa twîkîri nthao.

²Nthîgûru yeetû îria waatweere îjûkîîtue nî ageni, antû ba kûngî nîbo batwîre nja cieetû.

³Tûkuîri nî ba-baaba twatuîka tûkia na ba-maama baa ntigwa.

⁴Tuî no mwanka tûrîee rûûjî rîrîa tûkûnyua, na kinya nkû nî ka tûrîaga.

⁵Twîkîri icoki nkingo twogîgua mono; naatuî nî tûnogeete na tûtî na a kûnogoka.

⁶Twiringîte nthî kîrî Misri na kîrî Asîria nîkenda twona îrio bia kung'ana.

⁷Biûjûjû bieetû bieeîrie, na nandî bitî o na tontû bûu, nî tuî tûkûrîwua meeyia jaao.

⁸Tûrîathwa nandî nî nkombo na tûtî na wa gûtwonokia kuuma kîrî cio.

⁹Twîthagîrwa tûrî ûgwatiine mono rîrîa tûgûcwaa biakûrîa nîûntû ooragani beethagîrwa barî nthîgûrûûne kunthe.

¹⁰Tûrîîgi nî mpara ga tûgwakana mwîrî.

¹¹Anthû bathengagîîra aka kûu Zaiûni yongwa na bakathengeeera aarî kwa inya kûu ntûûreene cia Juda.

¹²Atongeeria baacuuragua boogi njara na agambi bateejagwa gîtîîo.

¹³Nthaka cithiaga ithine ta nkombo natu tûîjî twakamatithagua mîrigo îmîrito.

¹⁴Akûrû nî batigîte gûkara mpingîroone ya ntûûra na antû babeethî batiga kwina ndwîmbo.

¹⁵Tûti na nkerû nî kîmako gitûgweete.

¹⁶Ûkumio bwa Zaiûni ni bûthiri nîûntû bwa meeyia jarîa tûthithîtie.

¹⁷Tontû bûû, ni twagîte inya na meetho jaremwa nî kwona

¹⁸Zaiûni nî yeete îgaanjo nî mbîrwa nandî itûûraga ku.

¹⁹Îndî gwe itû MWATHANI waathani bwaaku nî bwa kenya na ûnene bwaaku bûtîthiraga.

²⁰Nîkî ûntû ûûrîrîîtue nî tuî ûjû? Nîmbi îtûmîte ûtwîrûkîra?

²¹Tûcokie kaîrî kîrî gwe MWATHANI naatuî tûgacoka ûrîa twakari tene.

²²Kana MWATHANI nîka ûtûregeete buru? Nîka ûthûûri nî tuî mono?