Read KIMERU BIBLE PROTESTANT EDITION Ezek 15 Bible Online

Ezek 15 - KIMERU BIBLE PROTESTANT EDITION bible

Ezek 15

¹MWATHANI nî aambarîîrie ûûni Ezekieli arambûûria atîrî,

²“Mûtaana wa muntû, nîmbi mûzabibû jûkûrûkîte nayo mîtî îngî ya mwitû? Ka mûzabibû jûûmba kuuma mbaaû ta mîtî îrîa îngî?

³Kûrî kîo mîtî ya mîzabibû yûûmba gûtumîrwa kûthithia? Woomba noo kûthithia tûmîtî twa gûcuuria gîntû naju?

⁴Atîrî, nîka îgeragwa mwankiine irî nkû. Rîrîa mîthia yooka rûmûrî na gatîgatî kaa îkara kûrî gîntû jûûmba kûthithia?

⁵Atîrî, mûtî jûu juungwa jûtîngî gûtumîrwa kûthithia untû; a nandî rîrîa jwîîthîtue nî mwanki jwagiitûkanga jûtumîrwa kûthithia mbi?”

⁶Tontû bûû, MWATHANI Mûrungu ariuga atîrî, “O ta ûrîa ndaajûkîrie nkû cia mîzabibû kuuma kîrî mîtî ya mwitû îreekîrwa riiko îraya, noou nkaanenkanîra antû barîa batûûraga Jerusalemu.

⁷Nkaabakanûkia ndeganîte nabo. Kinya bakëethîrwa baumîte mwankiine jûmwe, bakagwa kîrî mwanki jûngî na jûbathirie. Rîrîa nkaabakanûkia bakaamenya nî ni MWATHANI.

⁸Ni nkaaethia nthîgûrû îgaanjo nîûntû antû nî baeete antû batî eetîkua, nîu ni MWATHANI Mûrungu nkuuga.”