Read KIMERU BIBLE PROTESTANT EDITION Ezek 35 Bible Online

Ezek 35 - KIMERU BIBLE PROTESTANT EDITION bible

Ezek 35

¹ MWATHANI nî aambarîîrie ni Ezekieli arambîîra atîrî,

²“Mûtaana wa muntû, roria mantû ja gûkanûkua kwa nthîgûrû ya Edomu.

³Îîra antû ba gûntû kûu, MWATHANI ariuga ûjû: Atîrî, ni nkaabûkanûkia nthîgûrû ya Edomu. Naani ngaatambûrûkia njara mbakanûkie mpeethie nthîgûrû yeenu îgaanjo.

⁴Nkaathiria ntûûra cieenu ciee maganjo, na kinya buî bûthire. Rîu nîrîo bûkaamenya atî ni nî ni MWATHANI.

⁵Buî bwaarî anthû ba Israeli ba ntwîre, nîkîo gîaatûmîre bûbanenkanîra booragwa îgiita rîaao rîa thîîna, îgiita rîaao rîa gûkanûkua rîa mûthia.

⁶Tontû bûû, ni MWATHANI Mûrungu ndiuga no mwanka mbûthuranîre gîkuû. Nîkwîthîrwa nî bûûraganîte, kinya buî bûkooragwa.

⁷Nkaaeethia nthîgûrû ya irîma ya Edomu îgaanjo rîtîtûûri, mbûrage bonthe barîa beetagîîra ku.

⁸Naani nkoojûria irîma bieenu biimba, mbiûjûrie irîmeene bieenu, na ngîrîîne, na mîguuruune.

⁹Ngakweethia îgaanjo kenya na ntûûra ciaaku ikare itîtûûri. Rîu ûkamenya ni nî ni MWATHANI.

¹⁰“Nîkwîthîrwa nî bwaugîre atî bûgaataa nthîgûrû ya Juda na ya Israeli ciee cieenu kinya këethîra ni nî ndaarî MWATHANI waacio.

¹¹Tontû bûû, ga nkuuga na mma atî no mwanka, mbûkanûkie kûringana na ûrîa bwaabathwîre na bwabaigîîrua rûriitho. Bûkaamenya nî ni ûû rîrîa nkaabûkanûkia.

¹²Bûkaamenya nî ni MWATHANI ûrîa wigîîtue mantû jonthe jarîa bwaaugaga ja kûmeneeria irîma bia Israeli, bûkiugaga atîrî, ‘Irîma nî bieetû, tûkaabieethia maganjo.’

¹³Naabuî nî bwaambikumîîrie mono na bûraaria mantû jamathûûku jambegiî nkiigagua.”

¹⁴MWATHANI Mûrungu ariuga ûjû, “Nkaabûthiria nîkenda nthîgûrû yonthe îgwîrua.

¹⁵O ta ûrîa bwagwîrîîrue kûthirua kwa Aisraeli, barîa barî antû baakwa, nîu nkaabûthithîria buî antû ba Edomu. Rîu nîrîo bûkaamenya ni nî ni MWATHANI.”