Read KIMERU BIBLE PROTESTANT EDITION Hos 12 Bible Online

Hos 12 - KIMERU BIBLE PROTESTANT EDITION bible

Hos 12

¹Antû ba Israeli beenganaga na mantû ja ûtheri na ja kwithûûkia bongwa kuuma rûkîîrî mwanka ûgoro, ta muntû wînganîte na ruuo rwa gaiti. Boongeeraga waayia na wînyangia, bageeka ngwatanîro na Asîria na bagaikia maguta Misri.

²MWATHANI arî na ûntû bwa kûgambithîria antû ba Juda na agakanûkia antû ba Israeli nîûntû bwa mathithio jaao abarîe kûringana na mathithio jaao.

³ Jakubu arî kîu kîa ng'ina, nî aakiindanaga na mûtaana wa ng'ina Esaû agûkûra arakiindana na Mûrungu.

⁴ Nî akiindanîre na mûraîka aroombana, ararîra na aramûromba amûtharime. Nî atirimanîre na MWATHANI kûu Betheli, MWATHANI aramwarîria.

⁵Nîwe MWATHANI Mûrungu Mweneinya, riîtwa rîaawe nî MWATHANI.

⁶Tontû bûû, buî nchiarwa cia Jakubu îtîkieni Mûrungu bûcoke kîrî we. Bûmwendage na wendo bwa mma na bûthithagie mantû na îota magiita jonthe.

⁷Mûbiashara ûrîa ûtumagîra ithimi bibithûûku, nî agwîragîrua kwinyanîîria.

⁸Antû ba Israeli bariuga atîrî, ‘Tûgwitongera! Tûgûcionera ûtonga.’ Îndî gûtîwe ûtûthitanga akiugaga twitongetie na njîra cia waayia.

⁹ Nî ni MWATHANI Mûrungu weenu ûrîa wabûritîre nthîgûrû ya Misri. Ngatûma bûtûûra maemeene kaîrî o ta ûrîa bwathithagia rwanda.

¹⁰Nî ndaragîria iroria na nkabionia bioneki bibingî, na nî na njîra ya iroria nkabûmenyithia ûrîa bûkeenyangua.

¹¹Giliadi kûrî na meeyia jamaingî, nî mma bo bakaa antû bootheri. Giligali baritagîra mîrungu ya mîng'uanano igongwana, tontû bûu iritîro bia igongwana biaao bikaa ithûûmba bia maiga ta jarîa jarî bieniine.”

¹² Jakubu nî aamatûkîre areeta nthîgûrû ya Sîria ararita ngûgî ya kûrîîthia ng'ondu nîkenda agûra mûka.

¹³ MWATHANI atumîîre kîroria nîkenda gîkûûra antû ba Israeli kuuma Misri q na nokîo kîabakaragia.

¹⁴Aisraeli nî bathûûrîtie MWATHANI mono, MWATHANI akabakanûkia nîûntû bwa kûmûreteera nthao.