Read KIMERU BIBLE PROTESTANT EDITION Hos 5 Bible Online

Hos 5 - KIMERU BIBLE PROTESTANT EDITION bible

Hos 5

¹“Thikîîreeni buî athînjîri-Mûrungu! Kindeeni matû buî antû ba Israeli! Thikîîreeni, buî antû ba mûciî jwa mûnene! Tontû îgamba rîrî nî buî rîegiî Wûi kîrî buî tontû nî buî bûbuîrîte kûthithia mantû ja îota, îndî bweete mûtego kûu Mizipa na bwaa neeti îtambûrûkîîtue kîrîmeene gîa Tabori,

²na bwenja îrinya ntûûra ya Akacia; tontû bûû nkabûkanûkia bwinthe.

³Nî mbijî Israeli ûrîa îkari, îtîûmba kwithwa ntiga kûmîona. Israeli nî îringîte ûmaraya yaithûûkia.”

⁴“Mathithio jaao jatîbareka bacoka kîrî Mûrungu waao. Tontû roho wa ûmaraya arî ndeene yaao, na batijî MWATHANI.

⁵Rwikumio rwa antû ba Israeli nîru rûbathitangaga kîrî MWATHANI bagitaragua nî meeyia jaao. O na kinya Juda îkagitarua amwe nabo.

⁶Bakarita igongwana biaao bia ng'ondu na ng'ombe bagîcwaa MWATHANI îndî batîmwona tontû nî abeerûkîrîte.

⁷Bakarîte batî eetîkua kîrî MWATHANI, tontû bagîîte twaana na arûme bangî. Rîu mambura ja kûguûka kwa mweri jakoonania kûthirua kwaao amwe na miuunda yaao.”

⁸“Ringeeni ngoji cia ndwaa ntûûra ya Giliboa, bûringe tarumbeta kûu Rama na bûûkie kajû ka ndwaa kûu Bethiaveni, Antû ba mwîrîga jwa Benjamini ikarieni!

⁹Ntukû ya îkanûkia yakinya Israeli îkathirua, nî mma ûu nîu gûgakarîka kîrî antû ba Israeli.

¹⁰Atongeeria ba Juda nî bebaebeetie mîanka ya nthîgûrû yaao, tontû bûû nkabatûrûkîria mûthûûro jwaakwa jûbakanûkie ta rûûjî rwa îkondoria.

¹¹Israeli nî înyamarîte yakindwa nî îkanûkia nîûntû bwa gûcwaa ûteethio kîrî barîa batî nabu.

¹²Tontû bûû, nkarîa Israeli ta ûrîa mpandi irîîjaga nyaki na nthirie Juda ta ûrîa mûthwa jûthiragia mbaaû.

¹³Rîrîa Israeli yoonere mûrimo jwaayo na Juda yoona kîringîrwa kîaayo, Israeli îreeta kûromba ûteethio kuuma kîrî mûnene wa Asîria, îndî atoombîre kûmworia mûrimo kana kîringîrwa kîaawe.

¹⁴Nkaithûkîra antû ba Israeli na Juda ta ûrîa ngatûnyi ithûkagîra nyomoo Nî ni ningwa nkabatambûranga tûchunchî tûchunchî mberûkîre, na gûtîonora wa kûbatunyûkia.

¹⁵Nkeerûkîra antû baakwa, mwanka rîrîa bagancwaa kaîrî tontû bakeethîrwa bakûthangîkua nî meeyia jaao mono. Tontû bwa mîthangîko yaao bagancwaa.”