Read KIMERU BIBLE PROTESTANT EDITION Jona 2 Bible Online

Jona 2 - KIMERU BIBLE PROTESTANT EDITION bible

Jona 2

¹Rîu Jona araromba MWATHANI Mûrungu waawe arî kîu gîa gîkûyû, arauga,

²“Ndagwîtîre MWATHANI ndî mîthangîkoone yaakwa naagwe ûrambîtîka. Ndî gîkaro kîa barîa akuû ndîrakaya naagwe ûraigua kajû gaakwa.

³Tontû gwe nî wangerere kûrîa kworokereete mono kûrîa rûûjî rûrwingî rwaancîgîîrîîtie, na mîgombe yaaku ya inya yetagîîra îgûrû rîaakwa.

⁴Rîu ndîrauga, ‘Ndîgûteewa kuuma meethoone jaaku; nîatîa nkoomba kaîrî kwona kîûrû gîaaku gîkîtheru?’

⁵Rûûjî rûrandimania rûnkunîkanîtie, na mîgombe îranthiûrûkîra, na matî ja îria jarandigica mûtwe jwaakwa.

⁶Ndîreenama nthî ruungu rwa irîma, nthî îrîa îrî mpingîro ciaayo ciampingîîre ku mwanka kenya. Îndî ûrandita kuuma kûrîa kworokeru ndî mwoyo, Îgwe, MWATHANI Mûrungu waakwa.

⁷Rîrîa nkoro yaakwa yagirîkîre nî ndakûririkanîre, gwe MWATHANI, ndîrakûromba naagwe ûraigua maromba jaakwa ûrî kîûrûûne gîaaku gîkîtheru.

⁸Barîa baathîkagîra mîrungu ya mîng'uanano, nî batiganagîria kîaao gîaaku gîa kenya, kîrîa barîngî kwona.

⁹Îndî ni, ngagûkaathaga na ndwîmbo, na nkûritagîre kîgongwana. Nkoojûria mîciîtio îrîa ndagûciîtîîrie. Wonokio buumaga kîrî MWATHANI.”

¹⁰Athiria kûromba, MWATHANI areera gîkûyû kîmûtaîke, nakîo kîrataîka Jona nthî înjûmo.