Read KIMERU BIBLE PROTESTANT EDITION Jona 3 Bible Online

Jona 3 - KIMERU BIBLE PROTESTANT EDITION bible

Jona 3

¹Kûrakara atîrî, MWATHANI nî aarîîrie Jona îgiita rîa jaîrî aramwîra,

²“Ûkîîra wîîte Nineve ntûûra îrîa nene ûgatûmîriîrie antû baayo nteto irîa nkwîrîte.”

³Rîu Jona araathîkîra MWATHANI areeta Nineve. Nayo Nineve yaarî ntûûra înene mono, muntû arîngî mîgiitania na magûrû antû a ntukû ithatû.

⁴ Jona arakûrûka ntûûreene areeta antû a ntukû îmwe na magûrû agîtûmagîîria atîrî, “Ntukû mîrongo îna ciathira, kuuma naarua îîjî, Nineve îkaathirua!”

⁵Rîu antû ba Nineve bareetîkia Mûrungu, na baratûmîîria atî antû baciate kûrîa biakûrîa, na beekîre mathango kwonania atî baakwirira meeyia jaao, kuuma barîa aniini mwanka barîa anene.

⁶Rîrîa ntûmîîri ya Jona yakinyîîre mûnene wa Nineve, arookîîra arauma gîtîîne kîa ûnene na ararita nguû cia ûnene, areekîra mathango na arakara nthî mûjuune.

⁷Nawe aratûmana gûtûmîîrua Nineve kunthe atîrî, “Waatho kuuma kîrî mûnene na atongeeria baawe bûriuga: gûkágîta muntû ûrûma gantû, na kinya ndîîthia cieenu ikarûma gantû kana ikunda rûûjî.

⁸Antû bonthe amwe na nyomoo nî beekîîre mathango, bakaîre Mûrungu na inya. O muntû wonthe nî atigane na mîîtîre yaawe îmîthûûku, amwe na mathithio jaawe jamaaî.

⁹Nûû wiijî? Kwombîka Mûrungu akagarûka agatiga mûthûûro jwaawe jûmûûî kîrî baatuî tûkarega kûthira.”

¹⁰Nîu, rîrîa Mûrungu oonere mathithio jaao, aroona baagûtigana na mîîtîre yaao îmithûûku, aragarûka, ararega kûbathithîria ûthûûku bûrîa augîîte.