Read KIMERU BIBLE PROTESTANT EDITION Gût 26 Bible Online

Gût 26 - KIMERU BIBLE PROTESTANT EDITION bible

Gût 26

¹ Nyuma ya mîrimo îîu, MWATHANI nî aarîîrie Musa na Eleazari mûtaana wa Aaroni, mûthînjîri-Mûrungu arabeera atîrî,

²“Tareeni kîûthûrano gîa antû ba Israeli kîonthe, kuuma arûme ba mîaka mîrongo îîrî na nkûrûki, bonthe barîa boomba gwîta ndweene. Batarwe kûringana na mîciî yaao.”

³Musa na Eleazari mûthînjîri-Mûrungu, nîrîo baarîîrie antû bûthûranîte bûûrîîne ya Moabu rûteere rwa mûuro jwa Jorodani akuî na Jeriko barabeera atîrî,

⁴“Tareeni antû kwambîrîîria arûme ba mîaka mîrongo îîrî na nkûrûki.” Ûu nîu MWATHANI eerîte Musa. Nabo antû ba Israeli barîa baaumîte Misri baarî baba:

⁵Kirî mwîrîga jwa Rubeni, ûrîa waarî mwana wa kîranga wa Jakubu nî kwaarî na ataana ba Rubeni, tabo Hanoki na nchiarwa ciaawe, na Palu na nchiarwa ciaawe,

⁶na Hezironi na nchiarwa ciaawe, na Karami na nchiarwa ciaawe.

⁷Bau nîbo antû ba mîciî ya Rubeni. Nabo baarî antû ngiri mîrongo îna na ithatû na magana mûgwanja ja mîrongo îthatû (43,730).

⁸Mûtaana wa Palu eetagwa Eliabu.

⁹Nabo ataana ba Eliabu baarî: Nemueli, na Dathani, na Abiramu. Bau nî Dathani na Abiramu barîa baarî atongeeria ba kîrîndî. Ningî nîbo baagwatanîîre na Kora bararega kwathîkîra Musa na Aaroni, na MWATHANI.

¹⁰Nayo nthîgûrû nî yaatûkîre îrabameria amwe na Kora. Nîrîo gîkundi kîu gîakuîre. Ningî nîrîo mwanki jwaîîthîrie jûrooraga antû magana jaîrî ja mîrongo îtaano (250). Antû bau baraa kîonanîîria kîa gûkaanagia antû kûrega kwathîka.

¹¹Îndî nchiarwa cia Kora itaathirîrue.

¹²Kîrî mwîrîga jwa Simioni nî kwaarî na ataana ba Simioni. Nabo nî Nemueli na nchiarwa ciaawe; na Jamini na nchiarwa ciaawe; na Jakini na nchiarwa ciaawe;

¹³na Zera na nchiarwa ciaawe; na Shaulu na nchiarwa ciaawe;

¹⁴Îu nîyo mîciî ya antû ba Simioni. Nabo baarî ngiri mîrongo îîrî na ijîîrî na magana jaîrî (22,200).

¹⁵Kîrî mwîrîga jwa Gadi nî kwaarî na ataana ba Gadi. Nabo nî Zefoni na nchiarwa ciaawe; na Hagi na nchiarwa ciaawe; na Shuni na nchiarwa ciaawe;

¹⁶na Ozini na nchiarwa ciaawe; na Eri na nchiarwa ciaawe;

¹⁷na Arodi na nchiarwa ciaawe; na Areli na nchiarwa ciaawe.

¹⁸Îîu nîyo mîciî ya ataana ba Gadi kûringana na ûtari bwaao. Nabo baarî antû ngiri mîrongo îna na magana jataano (40,500).

¹⁹Kîrî mwîrîga jwa Juda nî kwaarî na ataana ba Juda. Nabo baarî Eri na Onani. Eri na Onani nî baakuîrîîre nthîgûrûûne ya Kanaani.

²⁰Nabo ataana ba Juda na nchiarwa ciaao nî baba: Shela na nchiarwa ciaawe; na Perezi na nchiarwa ciaawe; na Zera na nchiarwa ciaawe;

²¹Nchiarwa cia Perezi ciaarî Hezironi na nchiarwa ciaawe; na Hamuli na nchiarwa ciaawe.

²²Îîu nîyo mîciî ya antû ba Juda kûringana na ûtari bwaao. Nabo baarî antû ngiri mîrongo mûgwanja na ithanthatû na magana jataano (76,500).

²³Kîrî mwîrîga jwa Isakari, Isakari nî aarî na ataana baba: Tola na nchiarwa ciaawe; na Puva na nchiarwa ciaawe;

²⁴na Jashubu na nchiarwa ciaawe; na Shimuroni na nchiarwa ciaawe.

²⁵Îîu nîyo mîciî ya Isakari kûringana na ûtari bwaao. Nabo baarî antû ngiri mîrongo îtantatû na inya na magana jathatû (64,300).

²⁶Kîrî mwîrîga jwa Zebuloni, Zebuloni nî aarî na ataana baba: Seredi na nchiarwa ciaawe; na Eloni na nchiarwa ciaawe; na Jahileeli na nchiarwa ciaawe.

²⁷Îîu nîyo mîciî ya antû ba Zebuloni kûringana na ûtari bwaao. Nabo baarî antû ngiri mîrongo îtaantatû na magana jataano (60,500).

²⁸Josefu aarî na ataana baîrî. Nabo nî Manase na Efuraimu.

²⁹Nchiarwa cia Manase ciaarî Makiri na nchiarwa ciaawe. Nchiarwa cia Makiri ciaarî Gileadi na nchiarwa ciaawe.

³⁰Ataana ba Gileadi baarî: Lezeri na nchiarwa ciaawe; na Heleki na nchiarwa ciaawe;

³¹na Asirieli na nchiarwa ciaawe; na Shekemu na nchiarwa ciaawe;

³²na Shemida na nchiarwa ciaawe; na Sheferi na nchiarwa ciaawe.

³³Zelofehadi mûtaana wa Heferi ataarî na ataana, îndî nî aarî akî aarî nabo. Aarî ba Zelofehadi baarî Mahala, na Noa, na Hogila, na Milika na Tiriza.

³⁴Îîu nîyo mîciî ya Manase. Nabo baarî antû ngiri mîrongo îtaano na ijîîrî na magana mûgwanja (52,700).

³⁵Nabo ataana ba Efuraimu baarî baba: Shuthela na nchiarwa ciaawe; na Bekeri na nchiarwa ciaawe; na Tahani na nchiarwa ciaawe.

³⁶Nchiarwa cia Shuthela, ciaumanîtie na mûtaana waawe Erani.

³⁷Bau nîbo antû ba mîciî ya Efuraimu kûringana na ûtari bwaao. Nabo baarî antû ngiri mîrongo îthatû na ijîîrî na magana jataano (32,500). Îîu nîcio nchiarwa cia Josefu.

³⁸Nabo ataana ba Benjamini baarî: Bela na nchiarwa ciaawe; na Ashibeli na nchiarwa ciaawe; na Ahiramu na nchiarwa ciaawe;

³⁹na Shefufami na nchiarwa ciaawe Hufamu na nchiarwa ciaawe.

⁴⁰Nabo ataana ba Bela baarî: Aradi na nchiarwa ciaawe; na Naamani na nchiarwa ciaawe.

⁴¹Bau nîbo nchiarwa cia Benjamini kûringana na ûtari bwaao. Nabo baarî antû ngiri mîrongo îna na ithaano na magana jatantatû (45,600).

⁴²Dani aarî na mûtaana ûmwe weetagwa Shuhamu na nchiarwa ciaawe.

⁴³Mîciî yonthe ya Shuhamu kûringana na ûtari bwaayo yaarî na antû ngiri mîrongo îtaantatû na inya na magana jana (64,400).

⁴⁴Ataana ba Asheri baarî: Imina na nchiarwa ciaawe; na Ishivi na nchiarwa ciaawe; na Beria na nchiarwa ciaawe.

⁴⁵Ataana ba Beria baarî: Heberi na nchiarwa ciaawe; na Malikieli na nchiarwa ciaawe.

⁴⁶Asheri nî aarî na mwarî weetagwa Sera.

⁴⁷Bau nîbo baarî antû ba Asheri kûringana na ûtari bwaao. Nabo baarî antû ngiri mîrongo îtaano na ithatû na magana jana (53,400).

⁴⁸Ataana ba Nafutali baarî: Jahazeli na nchiarwa ciaawe; na Guni na nchiarwa ciaawe;

⁴⁹na Jezeri na nchiarwa ciaawe; na Shilemu na nchiarwa ciaawe.

⁵⁰Bau nîbo antû ba mîciî ya Nafutali kûringana na ûtari bwaao. Nabo baarî antû ngiri mîrongo îna na ithaano na magana jana (45,400).

⁵¹Arûme ba Israeli bonthe barîa baatarîrwe baarî antû ngiri magana jatantatû na îmwe na magana mûgwanja na mîrongo îthatû (601,730).

⁵² MWATHANI aracoka areera Musa atîrî,

⁵³“Antû bau nîbo bakaagaîrwa nthîgûrû îrî rûgai rwaao kûringana na antû barîa mwîrîga jûrî nabo.

⁵⁴Mwîrîga jwethîrwa jûnenei ûjûgaîre rûgai rûrûnene. Mwîrîga jwethîrwa nî jûmûnini jûgaîrwe rûgai rûrûnini. Mîîrîga yonthe îgaîrwe rûgai rwaayo kûringana na antû barîa jûrî nabo.

⁵⁵Îndî nthîgûrû îgawe na njîra ya kûringa kuura. Nayo mîîrîga îgaîrwe kûringana na antû barîa îrî nabo.

⁵⁶Mîîrîga yonthe; yeethîrwa îrî îmînene kana îmînini îgaîrwe rûgai na njîra ya kûringa kuura.”

⁵⁷Nabo baba nî Alawi barîa baatarîrwe, kûringana na ataana ba Lawi. Nabo nî Gerishoni na nchiarwa ciaawe; na Kohathi na nchiarwa ciaawe; na Merari na nchiarwa ciaawe.

⁵⁸Nchiarwa cia Libini, na cia Heburoni, na cia Mahali, na cia Mushi, na cia Kora ciaarî cia mwîrîga jwa Alawi. Kohathi aarî îthe wa Amuramu.

⁵⁹Mûka wa Amuramu eetagwa Jokebedi na aarî mwari wa Lawi. Jokebedi aaciarîîrwe Misri. Jokebedi araciarîra Amuramu aana baba: Aaroni, na Musa, na Miriamu.

⁶⁰ Nabo aana ba Aaroni baarî Nadabu, na Abihu, na Eleazari, na Ithamari.

⁶¹ Îndî Nadabu na Abihu barakua rîrîa baaritîîre MWATHANI kîgongwana na mwanki jûtîtheretue.

⁶²Nabo arûme bonthe ba mwîrîga jwa Lawi, barîa baarî na ûkûrû bwa mweri jûmwe na nkûrûki, baatarîrwe baraa antû ngiri mîrongo îîrî na ithatû (23,000). Nabo bataataranîîrue na Aisraeli bangî nîûntû batagaîîrwe rûgai, ta antû bangî ba Israeli.

⁶³Bau nîbo antû ba Israeli barîa baatarîrwe nî Musa na Eleazari mûthînjîri-Mûrungu, barîa baatarîîrwe bûûrîîne ya Moabu rûteere rwa mûuro jwa Jorodani akuî na Jeriko.

⁶⁴Îndî kîrî antû bau gûtî no ûmwe wa antû ba Israeli barîa baatarîîrwe rwanda rwa Sinai nî Musa na Aaroni mûthînjîri-Mûrungu waarî mwoyo.

⁶⁵ Nîkwîthîrwa MWATHANI nî aarî akûbeera, “Bagaakuîra rwanda.” Gûtî muntû waao noo ûmwe waarî mwoyo tiga Kalebu mûtaana wa Jefune na Joshua mûtaana wa Nuni.