Read KIMERU BIBLE PROTESTANT EDITION Gût 29 Bible Online

Gût 29 - KIMERU BIBLE PROTESTANT EDITION bible

Gût 29

¹MWATHANI nî aarîîrie arauga atîrî, “Kûrî ntukû ya mbere ya mweri jwa mûgwanja, bûkoothûranaga nîkenda bûthaathayia MWATHANI. Bûtîbuîrîte kûritaga ngûgî ntukû îîu nîûntû nî ntukû ya kûringa tarumbeta.

²Ningî bûnditagîre kareegwa, na ntûrûme, na tûtûrûme mûgwanja twa mwaka jûmwe birî kîgongwana gîa gwakîîria. Nyomoo iu ciîthagîrwe itî na antû athûûku noo amwe.

³Nakîo kîgongwana kîa irio gîkethagîrwa kîrî mûtu jûmwinyu juunganîtue na maguta ja nzeituni; o ndeegwa îritanagîrue na kilo ithatû cia mûtu jûmwinyu na o ntûrûme îritanagîrue na kilo ijîîrî cia mûtu jûmwinyu.

⁴Ningî o gatûrûme karitanagîrue na kilo îmwe ya mûtu jûmwinyu buru.

⁵Bûritage nthenge îrî kîgongwana kîa kûthiria meeyia nîkenda bûthirîrua meeyia jeenu.

⁶Bûritage igongwana biu amwe na kîgongwana gîa gwakîîria kîrîa kîritagwa mweri jûkîguûka na kîgongwana kîa irio na igongwana birîa biritagwa o ntukû o ntukû. Ningî bûritage kîgongwana kîa gwîtûûrîria o ta ûrîa bibuîrîte kûritagwa. Nabio nî igongwana birîa birî yeera rîrîega kîrî ni MWATHANI.

⁷ “Kûrî ntukû ya îkûmi ya mweri jwa mûgwanja bûûthûranage nîkenda bûnthaathayia ni Mûrungu. Bûtîbuîrîte kûrîîjaga irio kana bûritaga ngûgî ntukû îîu.

⁸Îndî ûnditagîre kîgongwana gîa gwakîîria kîrîa kîrî yeera rîrîega kîrî ni. Nakîo nî kîgongwana gîa kareegwa kamwe, na gîa ntûrûme îmwe, na gîa tûtûrûme mûgwanja twa mwaka jûmwe. Nyomoo iu ciîthagîrwe itî na antû athûûku noo amwe.

⁹Nakîo kîgongwana kîa irio kîîthagîrwa kîrî kîa mûtu jûmwinyu juunganîtue na maguta ja nzeituni; o ndeegwa îritanagîrue na kilo ithatû cia mûtu jûmwinyu na o ntûrûme îritanagîrue na kilo ijîîrî cia mûtu jûmwinyu.

¹⁰Ningî o gatûrûme karitanagîrue na kilo îmwe ya mûtu jûmwinyu buru.

¹¹Ningî bûritage nthenge îrî kîgongwana kîa kûthiria meeyia amwe na kîgongwana gîa kûthirîrua meeyia na kîgongwana kîa gwakîîria kîrîa bûritaga o ntukû o ntukû. Ningî bûnditagîre kîgongwana kîa irio na igongwana bia gwîtûûrîrua.”

¹² Ningî MWATHANI nî aaugîre atîrî, “Kûrî ntukû ya îkûmi na ithaano ya mweri jwa mûgwanja bûûthûranage nîkenda bûnthaathayia ni MWATHANI. Bûkáritageni ngûgî na bûkûngûagîre mambura jau ntukû mûgwanja nîûntû bwa gûnkumia ni MWATHANI.

¹³Naabuî bûkaaritaga kîgongwana kîa gwakîîria kîrîa kîrî yeera rîrîega kîrî ni. Bûritage tûregwa îkûmi na tûthatû, na ntûrûme ijîîrî, na tûtûrûme îkûmi na tûna twa mwaka jûmwe. Nyomoo iu ciîthagîrwe itî na antû athûûku noo amwe.

¹⁴Nakîo kîgongwana kîa irio gîkethagîrwa kîrî kîa mûtu jûmwinyu juunganîtue na maguta ja nzeituni. O ndeegwa îritanagîrue na kilo ijîîrî cia mûtu jûmwinyu na o ntûrûme îritanagîrue na kilo ijîîrî cia mûtu jûmwinyu buru.

¹⁵O gatûrûme karitanagîrue na kilo îmwe ya mûtu jûmwinyu buru.

¹⁶Ningî bûritage nthenge îrî kîgongwana gîa kûthiria meeyia o amwe na kîgongwana kîa gwakîîria kîrîa kîritagwa o ntukû o ntukû na kîgongwana gîa irio na kîgongwana gîa gwîtûûrîria.

¹⁷“Nayo ntukû ya ijîîrî, mweriine o jûu, bûkaaritaga igongwana bia tûregwa îkûmi na twîrî, na ntûrûme ijîîrî, na tûtûrûme îkûmi na tûna twa mwaka jûmwe. Nyomoo iu ciîthagîrwe itî na antû athûûku noo amwe.

¹⁸Igongwana biu biritanagîrue amwe na kîgongwana kîa irio na igongwana bia gwîtûûrîria birîa biritanagîrua na ndeegwa na ntûrûme na tûtûrûme kûringana na ûrîa îng'ana na kûringana na ûrîa bibuîrîte kûritwa.

¹⁹Ningî bûritage nthenge irî kîgongwana gîa kûthiria meeyia o amwe na kîgongwana gîa gwakîîria kîrîa kîritagwa o ntukû o ntukû na kîgongwana gîa irio na kîgongwana kîa gwîtûûrîria.

²⁰“Nayo ntukû ya ithatû ya mweri jûu bûritage igongwana bia ndeegwa îkûmi na îmwe, na ntûrûme ijîîrî, na tûtûrûme îkûmi na tûna twa mwaka jûmwe. Nyomoo iu ciîthagîrwe itî na antû athûûku noo amwe.

²¹Igongwana biû biritanagîrue na igongwana bia irio na igongwana bia gwîtûûrîria birîa biritanagîrua na ndeegwa na ntûrûme na tûtûrûme kûringana na ûrîa ing'ana na ûrîa kûbuîrîte.

²²Ningî bûritage nthenge irî kîgongwana gîa kûthiria meeyia o amwe na kîgongwana kîa gwakîîria kîrîa kîritagwa o ntukû o ntukû na kîgongwana gîa irio na kîgongwana kîa gwîtûûrîria.

²³“Kûrî ntukû ya inya ya mweri o jûu, bûritage igongwana bia ndeegwa îkûmi, na bia ntûrûme ijîîrî, na bia tûtûrûme îkûmi na tûna twa mwaka jûmwe. Nyomoo iu ciîthagîrwe itî na antû athûûku noo amwe.

²⁴Igongwana biu biritanagîrue amwe kîgongwana kîa irio na igongwana bia gwîtûûrîria birîa biritanagîrua na ndeegwa, na ntûrûme, na tûtûrûme kûringana na ûrîa ing'ana, o ûrîa kûbuîrîte.

²⁵Ningî bûritage nthenge îrî kîgongwana gîa kûthiria meeyia o amwe na kîgongwana gîa gwakîîria kîrîa kîritagwa o ntukû o ntukû na kîgongwana gîa irio na kîgongwana kîa gwîtûûrîria.

²⁶“Kûrî ntukû ya ithaano ya mweri o jûu, bûritage igongwana bia ndeegwa kenda, na bia ntûrûme ijîîrî, na bia tûtûrûme îkûmi na tûna twa mwaka jûmwe. Nyomoo iu ciîthagîrwe itî na antû athûûku noo amwe.

²⁷Igongwana biu biritanagîrue amwe na kîgongwana kîa irio na igongwana bia gwîtûûrîria birîa biritanagîrua na ndeegwa, na ntûrûme, na tûtûrûme, kûringana na ûrîa ing'ana na ûrîa kûbuîrîte.

²⁸Ningî bûritage nthenge îrî kîgongwana gîa kûthiria meeyia o amwe na kîgongwana kîa gwakîîria kîrîa kîritagwa o ntukû o ntukû na kîgongwana gîa irio na kîgongwana kîa gwîtûûrîria.

²⁹“Kûrî ntukû ya ithanthatû ya mweri o jûu bûritage igongwana bia ndeegwa inyaanya, na bia ntûrûme ijîîrî, na bia tûtûrûme îkûmi na tûna twa mwaka jûmwe. Nyomoo iu ciîthagîrwe itî na antû athûûku noo amwe.

³⁰Igongwana biu biritanagîrue amwe na kîgongwana kîa irio na igongwana bia gwîtûûrîria birîa biritanagîrua na ndeegwa, na ntûrûme, na tûtûrûme, kûringana na ûrîa ing'ana na ûrîa kûbuîrîte.

³¹Ningî bûritage nthenge îrî kîgongwana gîa kûthiria meeyia o amwe na kîgongwana kîa gwakîîria kîrîa kîritagwa o ntukû o ntukû na kîgongwana gîa irio na kîgongwana kîa gwîtûûrîria.

³²“Kûrî ntukû ya mûgwanja bûritage igongwana bia ndeegwa mûgwanja, na bia ntûrûme ijîîrî, na bia tûtûrûme îkûmi na tûna twa mwaka jûmwe. Nyomoo iu ciîthagîrwe itî na antû athûûku no amwe.

³³Igongwana biu biritanagîrue amwe na kîgongwana kîa irio na igongwana bia gwîtûûrîria birîa biritanagîrua na ndeegwa, na ntûrûme, na tûtûrûme, kûringana na ûrîa ing'ana na ûrîa kûbuîrîte.

³⁴Ningî bûritage nthenge îrî kîgongwana gîa kûthiria meeyia o amwe na kîgongwana kîa gwakîîria kîrîa kîritagwa o ntukû o ntukû na kîgongwana gîa irio na kîgongwana kîa gwîtûûrîria.

³⁵“Kûrî ntukû ya inyaanya bûûthûranage bûnthaathagie ni Mûrungu, na bûkáritaga ngûgî ntukû îîu.

³⁶Îndî bûritage igongwana bia gwakîîria birîa birî yeera rîrîega kîrî ni MWATHANI. Nabio nî igongwana bia ndeegwa îmwe, na bia ntûrûme îmwe, na bia tûtûrûme mûgwanja twa mwaka jûmwe. Nyomoo iu ciîthagîrwe itî na antû athûûku noo amwe.

³⁷Igongwana biu biritanagîrue amwe na kîgongwana kîa irio na igongwana bia gwîtûûrîria birîa biritanagîrua na ndeegwa, na ntûrûme, na tûtûrûme, kûringana na ûrîa ing'ana na ûrîa kûbuîrîte.

³⁸Ningî bûritage nthenge îrî kîgongwana gîa kûthiria meeyia o amwe na kîgongwana kîa gwakîîria kîrîa kîritagwa o ntukû o ntukû na kîgongwana gîa irio na kîgongwana kîa gwîtûûrîria.

³⁹Mantû jau nîjo bûkaathithagia rîrîa bûkînditira ni MWATHANI igongwana bia mambura jarîa jatuui. Bûnditagîre igongwana biu, o amwe na igongwana bia mîciîtio yeenu, na igongwana bia gûciendera, na bia gwakîîria, na bia irio, na bia gwîtûûrîria na bia thîîrî.”

⁴⁰Musa nî eerîre antû ba Israeli mantû jonthe o ta ûrîa MWATHANI aamwîrîte.